"Жылдарға созылған адасу болды": Дастан Оразбеков бес жыл бұрынғы өмірін өкінішпен еске алды

Танымал әнші Дастан Оразбеков өміріндегі ауыр кезеңді есіне алды. Бұл туралы Stan.kz ақпарат агенттігі хабарлайды. 

Фото: Видеодан скриншот

Өнер иесі “Сырласу” бағдарламасында қонақ болды. 

“Анамды жүріс-тұрысыммен ренжіткен кездер болды. Анама қарсы шыққан жоқпын. Бірақ өтірік айтып, ренжіткен кездерім болды. Сол кезде анам "менің төрт балам бар, үшеуі үшін уайымдайтынмын, сен үшін уайымдамадым. Қазір 24 сағат сені ғана ойлаймын" деген еді", – деді әнші. 

• "Ақшасын түгел қайтарып алды": "Орда" тобы кәсіпкер Тоқтар Төлешовпен қалай байланысты үзгендерін айтып берді

• "Қоштасу кешін жоспарлап қойдық": "Орда" тобы тарайтынын мәлімдеді

Осыдан бес жыл бұрын қатты адасып, өмірден бас кешкенін де айтып берді. 

“2020 жылды еске түсіргім келмейді. Жаман өмірге салынып, адасып жүрген кезім еді. Тура менің басымнан кешкен дүниені қазір көп жас өткізіп жатыр. Ол жылдарға созылған адасу болды. Бірақ мен ол туралы қазір ашық айтуға дайын емеспін. Сол кезде анама ауыр болғанын түсіндім", – дейді Дастан Оразбеков.

Еске салайық, өнер иесі әйелін ел алдында мақтаған еді.