Жылдамдықты асырғандарға жаңа айыппұл: Ішкі істер министрлігі ақпаратқа байланысты пікір білдірді
Фото: pixabay.com
Ішкі істер министрлігі желіде “камералар жылдамдықты 66 км/сағаттан бастап тіркей бастайды" деген ақпаратқа қатысты пікір білдірді. Бұл туралы Stan.kz ақпарат агенттігі хабарлайды.
Желіде пайда болған жазбада:
"Жүргізушілер, назар аударыңыздар! Бүгін түннен бастап (00:00-ден кейін) камералар 66 км/сағаттан асса, тіркей береді. Мен әдетте 68–69-бен жүремін. Енді 68 немесе 70-пен жүрсеңіз, автоматты түрде 19 000 теңге айыппұл келеді. Абай болыңыздар, жүйені артық ақшаға толтырмаңыздар", – делінген.
Желі қолданушыларының бірі бұл ақпаратқа сенсе, енді бірі жалған деп есептеуде.
Ішкі істер министрлігі бұл ақпараттың жалған екенін мәлімдеді.
-
Қазақстанда жалға берілетін самокаттарға нөмір қойылып, оларды сақтандыру міндетті болады
-
Түркістан облысында 20 жылдан бері жол ережесін бұзбаған жүргізуші марапатталды
"Түннен кейін "жылдамдық 66 км/сағаттан аспау керек" деген хабар – фейк. Ондай өзгеріс енгізілген жоқ. Елді мекендерде жеңіл көліктер үшін жылдамдық нормасы бұрынғыша 60 км/сағат. Камералар 70 км/сағаттан асқанда ғана тіркейді", – деді министрлік.
Ведомство сондай-ақ тек ресми ақпаратқа сенуге, тексерілмеген хабарламаларға ермеуге шақырды.
