"Жігіттің сөзі": Жасөспірім 23 қабаттан секіріп, аман қалды
Чувашиядағы Новочебоксарск қаласында жасөспірім 23-ші қабаттан секіріп, көлікке құлап, аман қалды, деп хабарлайды Stan.kz ақпарат агенттігі.
Оқиға орнынан түсірілген сурет Mash Telegram каналында пайда болды.
11 жастағы бала 23-ші қабаттағы терезеден секіріп, тұраққа қойылған "Газельдің" үстіне түскен. Бұл оның өмірін сақтап қалды. Қазіргі уақытта жасөспірім жансақтау бөлімінде жатыр.
- Сабақ кезінде терезеден секіріп өлді: Талдықорғанда студент өзіне қол жұмсады
- Алматылық полицей күдікті-педофилді ұстау үшін 13 қабаттан секіріп кетті
Ол мұндай қадамға құрдастарына өзінің бос сөйлемейтінін дәлелдеу үшін барған. Оған баланың секірер алдында қалдырған хаты дәлел.
"Анашым, әкешім, мен сендерді қатты жақсы көремін, жылаудың қажеті жоқ, жарай ма? Сіздерге өтінішім бар: Саша өскен кезде оған ағасы бар деп айтудың қажеті жоқ, оған тек 18 жасқа толғанда айтыңыздар. Анашым, маған балалық шағымды бергеніңіз үшін рахмет. Әкешім, өтінемін, жыламаңыз, жарай ма, және иә, мен шатырдан секіремін, өйткені мен Андрейге: "Енер сен Сонямен үйленсең, онда мен шатырдан секіремін, егер сен оған айтсаң, онда мен міндетті түрде секіремін", - дедім. Андрей менің сөздеріме сенбеді, оларды әзіл деп санап, оған айтты, мен 25-қабатқа шатырдан секіруге кеттім. Содан кейін сіздер неге шатырдан секіргенімді сұрайсыздар. Мен сіздергеге айтамын: Мен жігіттің сөзін бердім!", - делінген хатта.
