"Далаға сүйреп, аттың жалына байлаған": Жетісу облысында әйелдің өліміне қатысты тың деректер айтылды

Фото: Freepik.com

Жетісу облысы Ақсу ауданы Баласаз ауылында 32 жастағы Айзат Жұманова күйеуінің қолынан мерт болды. Бұл туралы Stan.kz ақпарат агенттігі хабарлайды.

Айбар Жанболат әйелін өлтірді деген күдікке ілінді. Туыстарының айтуынша, ол әйелді 2 жасар қызының көзінше айуандықпен ұрған. Олардың нұсқасы бойынша, Айзатты ер адам бірнеше сағат азаптап, кейін далаға сүйреп апарып, аттың жалына байлаған.

Ми жарақаты, церебральды ісіну, жамбас сүйектерінің, аяқ-қолдардың, бас сүйегі негізінің сынуы, сондай-ақ көптеген сырық, байламдардың үзілуі анықталған. Терісі сырылғаны сонша – еті көрініп тұрды дейді.

Туыстары Айзатты ер адам азаптағанына сенімді. Алайда ер адам әйелі селфи жасап жатқан кезде екінші қабаттың терезесінен құлап кетті деп ақталған.

Туыстарының айтуынша, Айзатты ауруханаға жеткізгенге дейін оның денесін жуып, киімін ауыстырған, қанның ізін алып тастаған. Жәбірленуші Талдықорғандағы облыстық ауруханаға 22 маусым түнгі сағат 02:30 шамасында жеткізілген, бірақ ол бұл уақытта өліп қалған.

Қылмыстық кодекстің 106-бабының 3-бөлігі "Абайсызда адам өліміне әкеп соққан денсаулыққа қасақана ауыр зиян келтіру" бойынша қылмыстық іс қозғалды. Марқұмның отбасы бұл бапты "Ерекше қатыгездікпен өлтіру" бабымен өзгертуді талап етеді.

Қайғылы оқиғаның куәгері болған баланың психологиялық жағдайы ауыр. Туыстары қыз сөйлемей қалғанын, қараңғыдан қорқып, анасын іздейтінін айтады.

Сондай-ақ күдікті Қапал ауылы әкімінің сайлауына қатыспақ болған.

Еске салайық, бұған дейін Жетісу облысы Ақсу ауданында ер адам әйелін ұрып өлтіргені туралы хабарлаған едік.