Ресей ғылым академиясының Ғарыштық зерттеулер институтына қарасты Күн астрономиясы зертханасы Telegram-арнасында сейсенбіге қараған түні қуатты магниттік дауыл басталатынын айтты.

“Ресми түрде расталды. Жерде G4.33 деңгейіндегі планеталық магниттік дауыл болып жатыр. Негізгі сұрақ, алдағы бірнеше сағат ішінде магниттік дауылдың деңгейі соңғы 20 жылда бір-ақ рет, яғни 2024 жылдың мамырында ғана тіркелген ең жоғары G5 деңгейіне жете ме”, – делінген жарияланымда.

Сондай-ақ күн желісінің жалғыз дәл өлшенетін көрсеткіші – магнит өрісінің индукциясы тарихи рекордтарға жақын мәндерді көрсетіп отыр.

Кейін ғалымдар магниттік дауылдың G4.7 деңгейіне дейін күшейгенін нақтылады.

“Егер күн желінің сипаттамалары өзгермесе, онда ең жоғары G5 деңгейге 1-2 сағаттың ішінде жету мүмкін”, – деп болжам жасады ғалымдар.

Еске сала кетейік, 18 қаңтар кешке Ресей ғылым академиясының Ғарыштық зерттеулер институты мен Күн-жер физикасы институтының Күн астрономиясы зертханасында 2026 жылы Күнде тіркелген алғашқы ең жоғары Х санатындағы жарқыл туралы айтқан еді. Оқиға Күннің Жерге қараған көрінетін дискісінің орталық бөлігінде болды. Жарқылға X1.95 класы берілді.

Өмір айнасы

Айым Болатқызы

Сейсенбі, 20 Қаңтар, 2026 08:32

Біздің таңдауымыз

"Түрмеде отырған баламды тағы 9 жылға соттап жіберді": Түркістандық ата-ана баласына жазықсыз жала жабылғанын айтып, Тоқаевтан араша сұрады

Адвокат мән-жайды айтып берді

Жаңа үйленсе де өзге қыздарға жазады: Қазақстандық психолог неліктен ерлердің опасыздыққа баратынын айтты

Желі қолданушысы: "Бір ғана әйелмен ол қызықсыз. Басқасын да көргің келеді"