Желіде бұрынғы полиция басшысы Серік Күдебаевтың ұсталған кездегі фотосуреті пайда болды
Әлеуметтік желіде Алматы облысы полиция департаментінің бұрынғы басшысы Серік Күдебаевтың ұсталған кездегі фотосуреті пайда болды деп хабарлайды Stan.kz ақпарат агенттігі.
Мұны журналист Михаил Козачков Telegram-арнасында жариялады.
Бұған дейін Қазақстанның бас прокуроры Берік Асылов қашып кеткен Күдебаевтың Түркияда ұсталғанын растады.
2022 жылғы 13 мамырда Серік Күдебаевтың Қаңтар оқиғасы бойынша күдікті деп танылғаны белгілі.
9 наурызда Алматы облысы ПД экс-бастығы "гипертония" диагнозымен медициналық мекемеге жеткізілді. Сотталушының ауруына байланысты сот отырыстары бірнеше рет кейінге қалдырылғандықтан, оны сотқа мәжбүрлеп жеткізу туралы шешім қабылданды.
3 сәуірде Серік Күдебаев сотқа келмеді және оған халықаралық іздеу жарияланды. ҰҚК Шекара қызметі Алматы облысы ПД бұрынғы басшысы шекараны ресми түрде кесіп өтпегенін мәлімдеді.
"Scopus-қа мақала шығару үшін 1,5 миллион теңге сұрайды": Қазақстандық ғалымдар докторантурадағы талаптарға наразы
Ресми деректерге сүйенсек, қазір Қазақстан бойынша докторантурада 7 600-ден 9 500-ге дейін докторант білім алуда
"Денесінде бұған басшылық кінәлі деген жазуы бар": Түрмеден шығуына 20 күн қалған қазақстандық ер адам қаза тапты
Оны бостандыққа шығуына санаулы күндер қалған болатын