Желіде әскерге шақырылғандарды көлікпен қуған полицейлер қызу талқыға түсті
Әлеуметтік желіде әскери қызметкерлер мен полицейлердің жастарды қызметтік көлікпен қуып жүргені түсірілген видео пайда болды. Бұл туралы Stan.kz ақпарат агенттігі хабарлайды.
Түркістан қаласындағы әскерге шақыру жасындағы жастарды осылай ұстап алып, әскери комиссариатқа апарып жатқаны хабарланды. Желіде тараған видеодан бірнеше ер адамның егіс алқабынан жүгіріп өтіп бара жатқанын көруге болады. Ал оларды патрульдік көлік қуып барады. Соңында қашқан жігіттер ұсталып, көлікке отырғызылды.
Кейбір желі қолданушылары ел алдындағы борышын өтеуден бас тартқандар үшін жазаны қатайту керек деп пікір білдіріп жатыр. Енді бірі Қазақстанда келісім-шарттық әскер болуы керек және жастарды күштеп алып кетуге болмайды деп есептейді.
Айта кетейік, бұған дейін Қостанайда жігітті әскери комиссариатқа күштеп әкеткендерге қатысты полиция тергеу бастағаны туралы жазған едік.
"Аяғыма оқ тиіп, кестіруге мәжбүр болдым": Сынаққа сынбаған Паралимпиада чепионы Ербол Хамитов жайлы не білеміз?
Ербол Хамитов Қазақстан тарихында Паралимпиада ойындарында топ жарған алғашқы спортшы атанды
"Авиаотын бағасын көтеріп, қауіпсіздік талабын орындамау": Қазақстандық әуежайларға неге жаппай айыппұл салынды
Көптеген әуежай авиаотынды монополиялық жоғары бағада сату арқылы миллиондаған табыс тапқан