Желіде Ақтау мектептеріне шабуыл жасау туралы хабарламалар тараған (видео)
Фото: Видеодан скрин
Белгісіз біреулер желіде Ақтаудың мектептеріне келіп, білім мекемелерінде атыс ұйымдастырады деген ақпарат таратып жатыр. Бұл туралы Stan.kz ақпарат агенттігі хабарлайды.
Әлеуметтік желіде болып жатқан дүрбелеңге қатысты полиция қала тұрғындарына ескерту жасады.
“Құрметті тұрғындар! Мессенджерлерде мектептерде дайындалып жатқан террористік әрекеттер туралы жалған ақпарат тарап жатыр. Осындай қауесеттерге сенбеулеріңізді және тексерілмеген хабарламаларды таратпауларыңызды сұраймыз. Полиция тексеріс жүргізіп жатыр, қауіпсіздік шаралары күшейтілді. Жағдай толық бақылауда”, – деп мәлімдеді Маңғыстау облысының полициясы.
Қала әкімдігі де бұл ақпараттың жалған екенін айтып, полицияның түсініктемесін ұсынды.
Полиция қызметкерлері теракт туралы жалған хабарлама таратқандарға 5 жылға дейін бас бостандығынан айыру жазасы қарастырылғанын еске салды.
Қазақстандағы ең ірі мәмілелер: "Қазақмыс" пен "Қазцинктің" жаңа қожайындары туралы не белгілі
Саясаттанушылар екі кәсіпкер мен олар жасаған мәмілеге қатысты пікір білдірді
Қазақстандық әйел декретке шыққандағы қателігі үшін мемлекетке ақшасының бір бөлігін қайтарған
Мадина: "Ол кезде екі түрлі заң жұмыс істеді, бәрін талапқа сай жасадым"