Заңсыз онлайн казинолар кәмелетке толмағандарды құмар ойындар әлеміне тарту үшін танымал Roblox платформасын пайдаланады. Бұл балаларға өз деректерін пайдаланып тіркелуге және ойын валютасы – Robux-қа ставкалар қоюға мүмкіндік береді. Әуелі ұтыстарды криптовалютаға айналдырып, сосын нақты ақшаға айырбастауға болады.

Sky News басылымы АҚШ-тың14 жасар жасөспірімімен сұхбаттасқан. Ол шамамен 15 миллион Robux (99,8 миллион теңге) тіккенін мәлімдеген.

"Анам мені тоқтатуға тырысты, бірақ өзімді тоқтата алмадым. Көбірек ақша тігіп, көбірек ұтыс алу адреналиніне еніп кеттім”, – деді ол.

Жасөспірім ақша тігу арқылы өзінің қылмыстық құқық бұзушылық жасап жатқанын түсінбеген.

Тергеу үш негізгі казиноға бағытталған: BloxFlip, Bloxmoon және RBLXWild. Олар ай сайын шамамен 2,8 миллион пайдаланушыны тартады. Нәтижесінде миллиондаған доллар ставкаларды өңдейді.

Bloxmoon казиносы 2022 жылы іске қосылғаннан бері пайдаланушылар 11,4 миллион доллардан астам жоғалтқанын байқайды. Деректер жарияланғаннан кейін BloxFlip және басқа да казинолар жұмысын тоқтатты.

"Roblox заңгерлік тобы платформаны жабуға мәжбүр етті", – деп жазды казиноның ресми өкілі.

Roblox өкілдері мұндай казиноларды платформа "қолдамайды немесе мақұлдамайды" деп жауап берді. Компания заңсыз сайттармен күресу үшін құқық қорғау органдарымен белсенді жұмыс істейді.

Дегенмен сарапшылар мұндай ойынханалардың балалар үшін үлкен қауіп төндіретінін атап өтті. Өйткені оларды реттелмеген және қорғау тетіктері жоқ деп санайды.

Кейбір жағдайларда құмар ойындарға тартылған жасөспірімдерде өзіне қол жұмсау қаупі артады және күрделі психологиялық проблемаларды бастан кешіреді.

Жанжал нәтижесінде бес баланың ата-анасы Roblox-қа қарсы топтық шағым түсірген. Олар компанияны немқұрайлық үшін айыптап, бұл мәселе жөнінде 2022 жылдан бері білетінін, бірақ жеткілікті шара қолданбағанын жеткізді.

Roblox – күнделікті 80 миллион белсенді пайдаланушысы бар әлемдегі ең танымал ойындардың бірі. Оны қолданушылардың 42%-ы 12 жасқа дейінгі балалар.

Талқылау