Жаңа жылдан бастап Қазақстанның төрт облысында газ қымбаттады
Бұл туралы ҚР Ұлттық экономика министрлігі Табиғи монополияларды реттеу, бəсекелестік пен тұтынушылар құқығын қорғау комитеті мәлімдеді, деп хабарлайды ҚазАқпарат.
«ҚазТрансГаз Аймақ» АҚ 2018 жылдың 1 қаңтарынан бастап Ақтөбе, Жамбыл, Батыс Қазақстан жəне Оңтүстік Қазақстан облыстарының тұтынушылары үшін тауарлық газ бағасын көтеру туралы хабарлама жіберді.
Бағаны қымбаттатудың негізгі себебі – Ақтөбе, Жамбыл, Батыс Қазақстан жəне Оңтүстік Қазақстан облыстарындағы қоғамдастықтың газ тарату жүйесі бойынша тауарлық газды тасымалдау қызметіне тарифтердің ҚР табиғи монополиялар туралы заңнамасына сәйкес бекітілген шекті деңгейінің өзгеруі болып отыр. Сондай-ақ шикізат пен материал құнының, өзге ұйым қызметтерінің қымбаттауы сынды тауарлық газды бөлшектеп сату бойынша қоғамдастық шығындары көбейіп кеткен», – делінген Комитет төрағасының орынбасары Асан Дарбаев қол қойған хатта.
Оқи отырыңыз:
2017 жылы Қазақстан тарихына енетін 7 оқиға
2017 жылы Қазақстан шоу-бизнесіндегі елді шулатқан 7 оқиға
Төреғали Төреәлі өзі құрметтейтін ел азаматтарының есімін атады
“Спарта” КВН командасы жеңіске жеткен финалдық ойынның видеосы жарияланды (видео)