Жалпы есепте Өзбекстан алда: Халықаралық турнирде қазақстандық төрт боксшы алтын жүлде еншіледі
Болгария астанасы Софияда бокстан халықаралық турнир “Странджа кубогінде” қазақстандық 9 боксшы жүлдеге ілікті. Бұл туралы Stan.kz ақпарат агенттігі хабарлайды.
Оның төртеуі алтын, 2 күміс, 3 қола.
Алтын жүлдені 50 келіде Даниал Сәбит, 54 келіде Элина Базарова, 80 келіде Надежда Рябец және +80 келіде Валерия Аксенова жеңіп алды.
Ал күміс медаль 70 келіде Фарух Тоқтасынов пен 65 келіде Лаура Есенкелдіге бұйырды.
Үш қола медальді 54 келіде Әнел Сақыш, 75 келіде Валентина Хальзова мен +80 келіде Дина Исламбекова еншіледі.
Айта кетейік, бұл додаға барлығы Қазақстан атынан 39 боксшы аттанған еді. Соның небәрі тоғызы ғана жүлдеге ілікті.
Нәтижесінде Қазақстан жалпы есепте 4 алтынмен 2-орынға тұрақтады. Бірінші орынды 7 алтын жүлде еншілеген Өзбекстан жайғасты. Үздік үштікті 3 алтын медальмен Украина елі түйіндеп тұр.
Қазақстандықтарға биыл жазда қайда бару тиімді: Грузия арзандап, Мальдив аралдары қымбаттаған
Ольга Исаева демалыс маусымы бағаға қалай әсер ететінін де атап өтті
Екінші деңгейлі банктер тұрғын үй қарызын бере алады, референдум өтеді: Қазақстанда 1 наурыздан бастап не өзгереді
Наурыз айында қандай өзгерістер болатынын зерттеп көрдік