Zeekr аккумулятор ақауына байланысты 38 мыңнан астам көлікті Қытайға кері қайтарып жатыр
Zeekr аккумулятор ақауына байланысты 001 моделінің бір бөлігін Қытайға қайтарылып жатыр. Науқан 2021-2024 жылдары шығарылған 38 мыңнан астам электромобильді қамтымақ. Бұл туралы Stan.kz ақпарат агенттігі Сarnewschina.com порталына сілтеме жасап хабарлайды.
Zeekr Қытайда Zeekr 001 моделін кері қайтарып жатыр. Себебі кейбір көліктердегі аккумуляторларда өндірістік ақау табылған. Науқанға 2021 жылдың шілдесінен 2024 жылдың наурызына дейін шыққан 38 мыңнан астам электромобиль кіреді. Мәселе Sunwoda шығарған, сағатына 86 кВт батареяларда болып отыр. Айтуынша, аккумулятордың кейбір бөліктерінде ішкі кедергі көбейіп, соның салдарынан батарея дұрыс жұмыс істемей, тіпті жолда қауіпті жағдай туындауы мүмкін.
CarNewsChina мәліметінше, кері шақыру 2021-2024 жылдары сатылған Zeekr 001 көліктерінің шамамен төрттен бір бөлігін қамтиды. Қытайда бұл көліктерді сервистен өткізіп, батареясын тегін ауыстыру жұмыстары 2026 жылдың наурыз айында басталады.
Қазақстанда ресми дилерлерден алынған Zeekr 001 иелеріне уайымдаудың қажеті жоқ. Бізде сатылатын көліктер сағатына 100 кВт батареямен келеді, ал оларды CATL компаниясы шығарады. Олардың аккумуляторларына қатысты ешқандай қауіп айтылған жоқ.
Бірақ бір нәрсені ескерген жөн. Zeekr 001-ді Қазақстанға жеке адамдар да импорттаған. Солардың ішінде, әсіресе, рестайлингке дейінгі We нұсқасындағы көліктер кері шақырылатын партияға түсіп қалуы әбден мүмкін.
Еске салайық, Қытайда 2027 жылдан бастап жылжымалы есік тұтқалары бар электрмобильдерге тыйым салынады. Реттеуші органдар мұны есікті тек электр қуатымен ашатын механизмдер жол-көлік оқиғасы кезінде немесе электр қуаты өшкен жағдайда жолаушыларды көліктің ішінде қамап қоюы мүмкін екенімен түсіндіреді. Мұндай жағдайда есікті ашу сияқты қарапайым әрекет өмір мен өлім мәселесіне айналуы ықтимал.
"5 жыл бойы жөндеу жасаған ғимаратымды тартып алды": Кәсіпкер Алматы облысы әкімдігінің бассыздығына шағымданды
