"Жақындарынан ешкім болмаған": Ұшақ апатында опат болған 13 жастағы жасөспірім Грозныйға жаңа жылды атап өтуге бара жатқан
Ақтау маңындағы ұшақ апаты кезінде 13 жастар әзірбайжандық Мухаммедали Фаридоглы Еганов ажал құшты. Жасөспірім Грозныйға жаңа жыл мерекесін атап өтуге бара жатқан. Бұл туралы Stan.kz ақпарат агенттігі Media.az порталына сілтеме жасап хабарлайды.
Фото: Oxu.az
Жеткіншектің қазасы туралы әлеуметтік желіде оның сыныптастары жазды. Баку қаласының Хатай ауданында тұратын Мухаммедали №27 мектепте оқыған.
Белгілі болғандай, жасөспірімнің анасының ұлты – шешен, әкесі Әзірбайжандағы ірі кәсіпкер – Фарид Еганов. Ұшақ құлағанда оның жанында жақындарынан ешкім болмаған. Ол Грозный қаласына жаңа жылды қарсы алуға бара жатқан. Мухаммедалиді ұшаққа әкесі шығарып салған.
Айта кетейік, 25 желтоқсанда Әзірбайжан әуе компаниясына тиесілі Embraer E190AR ұшағы Ақтау қаласындағы әуежай маңында апатқа ұшыраған еді. Бортта 67 адам болған. Оның 38-і қаза тауып, 29 адам Маңғыстау облыстық ауруханасында ем абылдап жатыр. Апаттың алдын ала себебі оның құстарға соғылуынан екені айтылды.
Талқылау

Әкімдік қаладағы ескі брусчаткалардың мұқтаж отбасыға берілгенін айтты: Алайда Боқаев төсеуіштің жеке қолға сатылып жатқанын түсіріп алған (видео)
Санжар Боқаевтың айтуынша, әкелінген брусчатка мүлде бүлінбеген, тіпті жаңа күйінде болған

Алматылықтар Әл-Фараби даңғылының жабылуына байланысты көлік коллапсын күтуде: Әкімдік жөндеу жұмыстары неге жаз соңында басталғанын түсіндірді
Әл-Фараби даңғылы бойындағы газ құбыры 1974 жылдан бері жұмыс істеп келеді және әбден тозған