Ұлттық құраманың бас бапкерлігінен кеткен Қайрат Сәтжанов жаңа қызметке тағайындалды
Бокстан Қазақстан ұлттық құрамасының бас бапкері қызметінен кеткен Қайрат Сәтжанов жаңа лауазымға тағайындалды. Бұл туралы Stan.kz ақпарат агенттігі хабарлайды.
Қайрат Сәтжанов Мұхтархан Ділдәбековтың орнына Қазақстан бокс федерациясының жаттықтырушылармен жұмыс жөніндегі вице-президенті қызметіне сайланды.
Ал Мұхтархан Ділдәбеков отандық боксты дамыту және ішкі үйлестіру мәселелеріне жауапты болады. Ол 2024 жылдың ақпан айынан бері Қазақстан бокс федерациясының жаттықтырушылармен жұмыс жөніндегі вице-президенті қызметін атқарып келген.
Айта кетейік, Қайрат Сәтжанов бұған дейін денсаулығына байланысты ұлттық құраманың бас бапкері қызметінен кеткенін мәлімдеген еді. Ол бұл қызметті Париж Олимпиадасындағы сәтсіз нәтижеден кейін қабылдаған. Былтыр оның жетекшілігімен Қазақстан құрамасы Ливерпульде өткен әлем чемпионатында 4 алтын медаль жеңіп алды.
"Бәрі бір сәтте мәнсіз болып қалды": Таяу Шығыста қиын жағдайға тап болған қазақстандықтар көргендерін айтып берді
Назгүл Тұрысбекованың сөзінше, олар құжаттарын ғана алып, қауіпсіз жерге шығуға мәжбүр болған
Ормуз бұғазының жабылуы, мұнай бағасының өсуі: Таяу Шығыстағы соғыс Қазақстан экономикасына қалай әсер етеді
Қаржыгер Айбар Олжайдың айтуынша, Ормуз бұғазы ұзақ мерзімге жабылмайды