Ұлттық банк басшысы қазақстандықтарға биыл несие мен ипотека рәсімдемеуге кеңес берді
Фото: Ұлттық банк
Тимур Сүлейменов, Қазақстан Ұлттық Банкі төрағасы, ипотекалық несиелеу мен жоғары пайыздық мөлшерлемелерге қатысты пікір білдірді. Бұл туралы Stan.kz ақпарат агенттігі хабарлайды.
Оның айтуынша, Ұлттық банк басшысы ретінде азаматтарға жеке инвестиция мен қаржылық шешімдер бойынша тікелей кеңес беру дұрыс емес әрі орынсыз.
Қазақстанда 31 қаңтардан бастап зейнетақы жинақтарын ипотека пайызын төлеуге қолдануға болмайды
Қазақстанда ипотека бойынша сыйақы мөлшерлемесі 2026 жылдың шілдесіне дейін төмендетілмейтін болды
Сүлейменов қазіргі жоғары нарықтық мөлшерлемелер кезеңінде несие мен ипотека рәсімдеу қолайлы емес екенін жеткізді. Оның сөзінше, инфляция төмендеген сайын базалық мөлшерлеме де азаяды. Оған ілесе банктердің пайыздық мөлшерлемелері төмендеп, ипотека қолжетімді бола түседі.
“Нарықтық мөлшерлемелер жоғары кезде несие мен ипотеканы рәсімдеуден уақытша бас тартып, оны кейінге қалдырған жөн. Инфляция төмендеген сайын базалық мөлшерлеме де, банктердің пайыздары да азаяды. Инфляция мен пайыздық мөлшерлемелер төмендегенше аздап күту керек”, – деді Сүлейменов.
Айта кетейік, 23 қаңтарда Ұлттық банк брифинг өткізіп, базалық мөлшерлемені өзгеріссіз жылдық 18% деңгейінде қалдырғанын хабарлады.
Неке шарты қазақстандық әйелді ажырасу кезінде қорғай алмаған: Тойға дейін келісімшарт жасау қажет пе?
