Ұлытау облысының бұрынғы әкімі жаңа қызметке тағайындалды
Ұлытау облысының бұрынғы әкімі Берік Әбдіғалиұлы Ұлттық музей директорының міндетін атқарушы болып тағайындалды. Бұл туралы Stan.kz ақпарат агенттігі хабарлайды.
Фото: gov.kz
Бұл туралы мәдениет және ақпарат министрлігі мәлімдеді. Жаңа директорды музей ұжымына мәдениет және ақпарат министрінің міндетін атқарушы Айзада Құрманова таныстырды.
Еске салсақ, Берік Әбдіғалиұлы 2024 жылдың 9 қазанында Ұлытау облысының әкімі қызметінен босатылды. Облыстың жаңа басшысы болып Дастан Рыспеков тағайындалды.
Берік Әбдіғалиұлы 1971 жылы туған. 1994 жылы әл-Фараби атындағы Қазақ Ұлттық университетін "Тарих және қоғамтану оқытушысы" мамандығы бойынша тәмамдаған.
Әр жылдары президент жанындағы Қазақстанның стратегиялық зерттеулер институтында қызмет еткен.
- 2010-2013 жылдары Ұлытау ауданы әкімі, Жезқазған қаласының әкімі, Арқалық қаласының әкімі, Қарағанды облысы әкімінің орынбасары;
- 2016 жылы қорғаныс министрлігінің әскери-тарихи музейінің бас ғылыми қызметкері;
- 2017-2019 жылдары ұлттық музейдің "Қасиетті Қазақстан" ғылыми-зерттеу орталығының жетекшісі;
- 2019-2021 жылдары Қарағанды облысы Ұлытау ауданының әкімі.
- 2021-2022 жылдары мәжіліс депутаты;
- 2022-2024 жылдары Ұлытау облысының әкімі лауазымын атқарған.