2027 жылы Қазақстанда ҰБТ форматы өзгертіледі
Фото: Ұлттық тестілеу орталығы
2027 жылы Қазақстанда ҰБТ өзгере бастайды. Бұл туралы Stan.kz ақпарат агенттігі хабарлайды.
Ғылым және жоғары білім вице-министрі Гүлзат Көбенова биыл ҰБТ әдеттегідей болатынын айтты.
ҰБТ-ның 2026 жылға арналған шекті балдары белгілі болды
ҰБТ түбегейлі өзгереді: Министрлік тестілеуге қандай өзгерістер енгізілетінін айтты
“ҰБТ қазіргі форматында өзгеріссіз қалады және өткізіле береді. Дегенмен біз ҰБТ-ны жетілдіру үшін америкалық компаниямен жұмыс істей бастадық. Бұл кезең-кезеңімен, 2027 жылдан бастап пилоттық жоба ретінде басталып, содан кейін 2029 жылға дейін кеңейтіледі”, – деді ол.
Айта кетейік, бұған дейін Ғылым және жоғары білім министрі Саясат Нұрбек Ұлттық бірыңғай тестілеудің елеулі өзгерістерге ұшырайтынын айтқан еді.
Еске салсақ, Қазақстан президенті Қасым-Жомарт Тоқаев АҚШ-қа сапары барысында ETS бас директоры Амит Севакпен кездесті. Кездесуден кейін ҰБТ әдістемесін және мазмұнын қайта қарастыратын арнайы жұмыс тобы құрылатыны хабарланды.
Жарыстан екінші орын алсам әкем ұрсып, скакалкамен ұратын — Әсел Қанай каратэден әлем чемпионатының қола жүлдегері
