"Бүгіннен бастап соттың өндірістік қажеттілікке байланысты ереуілді заңсыз деп тану туралы шешіміне сүйене отырып, 50 қызметкермен еңбек шартын бұзады. Пайда болған бос орындарға біз жұмысқа орналасуға кезекте тұрған азаматтар қатарынан жиын өткіземіз. Бұл ретте жұмысқа қабылдау бос лауазымдарға қойылатын біліктілік талаптарына сәйкес өтетін болады. Бұл тәсіл жұмыспен қамту саласындағы заңнамаға толық сәйкес келеді", –делінген хабарламада.

Сондай-ақ жаңа қызметкерлер қабылданғанға дейін жұмыстан шығарылған қызметкерлер өз жұмыстарына орала алады.

“Жұмысқа қабылдау жүргізілгенге дейін жұмыстан шығарылған қызметкерлердің келісім комиссиясы арқылы жұмысқа оралу мүмкіндігі бар. Біз біз заңсыз ереуілге қатысушыларды мүмкіндік бар кезде жұмыс орындарына оралған әріптестерінен үлгі алуға шақырамыз. Бұл процесс жоспарлы түрде өтеді. Біз жұмысқа орналасуға жаңа кандидаттардың толық тізімін анықтағаннан кейін заңсыз ереуілді тоқтатқысы келмеген басқа қызметкерлермен еңбек шарттары бұзылады. Сондай-ақ олардың орындарына іріктеу ұйымдастырылады", –делінген хабарламада.

Еске сала кетейік, бұған дейін Маңғыстау облысында "West Oil Software" ЖШС қызметкерлерінің ереуілі заңсыз деп танылған еді. Ал компания болып жатқан жағдайға байланысты ұңғымаларда апат қаупі төнгенін мәлімдеген.

Айта кетейік, бұған дейін West Oil Software мұнай сервистік компаниясы ереуілге қатысты жұмысшылардың басым бөлігі мұны деструктивті элементтердің әсерімен жасап жатыр деп мәлімдеме жасағанын жаздық.

Талқылау