Versace білезігі мен Tiffany сырғалары: Елімізде олигархтардан қайтарылған қымбат зергерлік бұйымдар сатылымға шығады
Қазақстанда 4-7 наурыз аралығында активтерді мемлекетке қайтару аясында тәркіленген қымбат зергерлік бұйымдар сатылымға шығады. Олардың бастапқы құны 55 миллион теңгеге дейін бағаланған. Бұл туралы Stan.kz ақпарат агенттігі хабарлайды.
Фото: еQazyna
Қайтарылған активтерді басқару компаниясы 63 зергерлік бұйымды наурыз айының басында сауда-саттыққа шығарады. Аукцион еQazyna платформасында өткізіледі.
Аукционға шыққан бұйымдар арасында:
Фото: еQazyna
Van Cleef & Arpels мойынға арналған алқа бар. Оның бастапқы бағасы – 55 миллион теңге. Ол 16 карат гауһар тастармен көмкерілген 750 сынамалы ақ алтыннан жасалған 80 грамм тізбектен тұрады.
Фото: еQazyna
Frank Muller мойынға арналған алқасы. Бастапқы бағасы – 7,5 миллион теңге. Жалпы салмағы 52 грамм болатын Frank Muller брендінің цепі. 750 сынамалы ақ алтыннан және 4,6 карат 230 гауһардан тұрады.
Фото: еQazyna
Roberto Coin – Capri Plus білезігі. Бастапқы бағасы – 3,4 миллион теңге. Ол 750 сынамалы ақ алтыннан және 450 тастан тұрады. Сонымен қатар 11 карат қара сапфир мен 3 карат гауһар бар.
Фото: еQazyna
Yeprem сақинасы. Бастапқы бағасы – 14,7 миллион теңге. Yeprem сақинасы ақ алтыннан жасалған және 85 гауһармен көмкерілген.
Фото: еQazyna
Versace білезігі. Бастапқы бағасы – 640 000 теңге. Бұл Versace брендінің 750 үлгідегі ақ алтыннан жасалған көшірме білезігі.
Фото: еQazyna
Cartier love білезігі мен сақинасы. Бастапқы бағасы – 3 миллион теңге. Білезік 750 үлгідегі ақ алтыннан жасалған. Сақина да ақ алтыннан және 0,24 карат 3 гауһар тастан жасалған.
Фото: еQazyna
Tiffany & Co сырғалары. Бастапқы бағасы – 106 000 теңге. Ол 750 сынамалы алтыннан және әрқайсысы 0,2 карат болатын 2 изумруд тасынан жасалған.
Еске салсақ, бұған дейін елімізде қайтарылған активтерді басқаратын компания құрылған еді. 2022 жылдан бастап мемлекетке шетелден қайтарылған шамамен 1,7 триллион теңгеге активтер қайтарылған.
"Оқушылармен бір vibe-тамын": Желіде тренд түсірген мектеп директоры жұрттың ықыласына бөленді
