Ваннада жатқан суретін жариялаған әнші Индира Расылхан жұрттың қызу талқысына түсті

Әнші әрі тележүргізуші Индира Расылхан ваннада жатқан суреттерін жариялады. Алайда гүлге көмкеріліп жатқан әншінің үстіне киімі  болса да, көпшілік жақтырмай ұрысып тастады, деп жазады Stan.kz.

Instagram-парақшасында ваннада жатқан суретін жариялаған әнші сезім туралы өлең жолдары мен жазба қалдырған.

Десе де желі қолданушыларының дені Индира Расылханның мұндай суреттерін ұнатпады.

«Масқара, үп-үлкен әйелсіз. Жасыңызға қарасаңызшы. Не мағына жоқ. Сіздерге қарап жастар тәрбие алады. Жараспайтын қылық жасамай, қазақтың әйелі болып жүрсеңізші», – дейді аікір қалдырушылардың бірі.

«Ел сыйлайтын адамсыздар. Осындай суретті не үшін салсыздар?» – дейді екіншісі.

«Жердегі жұлдыздар осылай жасаса, басқалары не істейді? Ұят екен»,- деп жазды тағы бір пікір қалдырушы.

Сондай-ақ, әншінің суреттері әдемі шыққанын әрі «ешқандай ерсілік көрмегендерін» айтып, жақтағандар да болды.