"Үш күннен кейін хабарласамын": Баян Мақсатқызы Ирина Кайратовна тобына ескерту жасады

Танымал продюсер Баян Мақсатқызы Kesh You-мен бірге ән айтпаған Ирина Кайратовна тобын сынады. Бұл туралы Stan.kz ақпарат агенттігі хабарлайды. 

Фото: https://www.instagram.com/bayanmaxatkyzy

Медиа менеджер аталған топ келіспегесін Snoop Dogg-қа хабарласқан. 

“Ирина Кайратовнаға бізбен фит айтуға өтініш айтып тұрған сәт. Олар бір рет бас тартты. Бірақ мен үмітімді үзбеймін. Талантты адамдармен жұмыс істеу оңай болмаған, ал олармен келісімге келу одан да қиын... Ирина Кайратовна, ұялсаңдаршы! Snoop Dogg бір жыл ойланды, сосын оған қатты ұнап қалды. Барлық қыздардан құралған топ та ақырына дейін күтті. Біз төзімдіміз, қырсықпыз, сұлумыз, таланттымыз және үнемі бір толқындамыз! Үш күннен кейін хабарласамын", – деп жазды Баян Мақсатқызы. 

• "250 мың АҚШ доллары": Баян Мақсатқызы америкалық жұлдыз Snoop Dogg-қа қанша төлегенін айтты

• "Америкалықтар қуанды, қазақстандықтар "ұятсыз" деді": Баян Алагөзова қоғамдағы қос стандартты көзқарасқа қатысты пікір білдірді

Желі қолданушылары түрлі пікір білдіріп, екі топтың бағыты бөлек екенін жарыса жазып жатыр. 

“Тұрар, Мирастармен айтса болады, Ирина Кайратовнаның бағыты бөлек”, “Ирина Кайратовна, осыдан фит айтсаңдар, сендерді тыңдамаймын", "Снупқа бәрібір ғой, ақшасы төленсе болды”, “ИК жігіттері тіпті гонорарға қарамайды, принцип ұстанады", “Snoop Dogg Maxi шайдың жарнамасына түсті”, – дейді көпшілік. 

Еске салайық, KeshYou мен Snoop Dogg-тың жаңа бейнебаяны сынға қалғанын жазған едік.