Үш күннен бері іздеуде: Алматыда тергеу изоляторынан қашқан сотталушының суреті жария болды
Алматыдағы тергеу изоляторынан қашып кеткен айыпталушы жайлы жаңа деректер жарияланды. Қылмыскердің қашқанына үшінші күн болды, деп хабарлайды Stan.kz ақпарат агенттігі Алматы қалалық қылмыстық атқару жүйесі департаментіне сілтеме жасап.
Дамир Давутов 1987 жылы туған. Ақтөбе облысының тумасы. Оның қамауға алынғанға дейін Алматыда тұрғаны белгілі болды. Ұлты қазақ. Ұрлық пен алаяқтық үшін бірнеше рет сотталған.
«Алты жыл үш айға бас бостандығынан айырылған Давутов 2021 жылы 15 ақпанда ЛА-155/18 (SIZO) мекемесінен қашып кетті. Ерекше белгілері: бойы 175-180 сантиметр, азиаттық келбетте, орта денелі, қара шашты, тік мұрынды, қоңыр көзді. Қара түсті спорттық киім, ақ түсті бас киім, қара қысқа күрте, қара трико мен қара аяқ киім киген», - делінген хабарламада.
Қашып кеткен сотталушы төрт бап бойынша сотталған.
Ерікті түрде қайтып келгендер қамауға алынған орынға немесе қамауға алынған сәттен бастап жеті күн ішінде қайтып оралғаны үшін қылмыстық жауапкершіліктен босатылатыны атап өтіледі.
Іздеудегі азамат туралы кез келген ақпаратты білген жандар 8 (7272) 90-22-06 телефон нөміріне хабарласа алады.
Естеріңізге сала кетейік, сотталған қылмыскер 15 ақпанда Алматыдағы тергеу изоляторынан қашып кетті. Іздеу шаралары әлі де жалғасуда.