"Үлкен үй салып бердім": Мөлдір Әуелбекова ата-анасына ерекше сыйлық жасады
“Құрмет” орденінің иегері, әнші Мөлдір Әуелбекова ата-анасының қарттар күнімен құттықтап, ерекше сыйлық жасап қуантты. Бұл туралы Stan.kz ақпарат агенттігі хабарлайды.
Фото: Жеке парақшадан алынды
Эстрада жұлдызы тосынсый жасамас бұрын оқырмандарымен ақылдасып, қандай сыйлық беретінін талқылаған.
“Бүгін әкемнің туған күні. Жыл сайын әкеме күшті сыйлықтар жасаймыз. Мына үйді соқтық, көлігі бар, шетелге демалысқа барып келді, жыл сайын Умраға барып жатыр, үлкен қажылығын да өтеп келді. "Енді не сыйлаймын?" деп басым қатты. Сонда да таптым", – деді ол.
-
"Уақытша әңгіме": Мөлдір Әуелбекова желіде отырып ақыл айтатындарды сынады
-
"Басқа күтуші табу қиын болады": Мөлдір Әуелбекова балаларының күтушісіне бағалы сыйлық жасады
Одан кейін өнер иесі дастархан басында, меймандардың алдында ата-анасына қандай сыйлық жасайтынын айтты.
"Мына кісі – біздің үйдің мерекесі, мына кісі – берекесі. Құдайға шүкір, әкемізге екі жылда көлік жаңартып тұрамыз. Анамның арманы – әлем аралау. Сол себепті үлкен лайнерге жолдама сыйлаймын. Жақсылап демалып, ортамызда жүре беріңіздер", – деп ақжарма тілегін жолдады әнші.
Еске салайық, Мөлдір Әуелбекова әкесіне көлік сыйлап, 2-3 жыл сайын жаңартатынын айтқан еді.