"Үкім 15 күнде күшіне енеді": Блогер Мұрат Әбділда мерзімінен бұрын бостандыққа шығатын болды

Әлеуметтік желі арқылы көпшілікке танылған әуесқой әнші, блогер Мұрат Әбділда бостандыққа мерзімінен бұрын шығады. Бұл туралы Stan.kz ақпарат агенттігі хабарлайды. 

Фото: Видеодан скриншот

Өнер иесі әлеуметтік, ұлттық, нәсілдік, таптық араздықты қоздырғаны үшін сотталған еді. 

“Достар, сүйінші! Мұрат Әбділда түрмеден шықты. Сот әділ шешім шығарды. Енді соттың үкімі 15 күнде күшіне енеді. Бұл – біздің жұмысымыздың нәтижесі”, – деді құқық қорғаушы Молдахан Әділетхан.

• "Түсіме кірдің" деп шырқап отыр: Дәулет Мұқаев оқушыларға Мұрат Әбілдәнің әнін айтқызған білім ордасын сынады

• "Көктемде бостандыққа шығуым мүмкін": Мұрат Әбділдә түрмеде өмірі жайлы айтып берді

Еске салайық, бұған дейін cот абақтыдағы белгілі қазақстандық блогер, әнші Мұрат Әбділданың бас бостандығынан айыру түріндегі жазаcын айыппұлға ауыстыру туралы арызын қанағаттандырмаған еді. 

"Мен сізден жаза шарттарын ауыстыруыңызды сұраймын. Бәрін түсіндім, бәрінен кешірім сұраймын! Бұл енді қайталанбайды. Өзіммен жұмыс істеп, лайықты өмір салтын ұстанамын! Жаза шарттарын айыппұлға ауыстыруыңызды сұраймын, түгел төлеуге дайынмын", – деген еді Мұрат Әбділда.

Дегенмен прокурор соттан сотталушының өтінішін қанағаттандырмауын сұрады. Кеңесуден соң судья Талғат Қахаров өз шешімін айтты. 

@adiletkhan94

Мұрат Әбділда түрмеден шықты 👍

♬ оригинальный звук - ЮРИСТ | АДВОКАТ