Түркістандық ер адам қала арасындағы тас жолда мас күйде жолаушылар тасымалдаған
50 жастағы ер адам Астана – Петропавл автожолында мас күйінде жолаушыларды тасыған. Полиция апаттың алдын алды. Бұл туралы Stan.kz ақпарат агенттігі Polisia.kz порталына сілтеме жасап хабарлайды.
Деректерге сүйенсек, автобустың мас жүргізушісі 40 жолаушыны тасымалдаған.
“Тәртіп сақшылары Астана – Петропавл автожолының 232-шақырымында қызмет атқару кезінде Түркістан облысының 50 жастағы тұрғыны басқарған Van Hool автобусын тоқтатты.
Құжаттарды тексеру және әңгіме барысында жүргізушіден алкогольдің иісі шыққан. Оған Бурабай ауданының ауруханасына медициналық тексеруден өту ұсынылды. Онда дәрігер жүргізушінің жеңіл дәрежелі алкогольдік мас күйде екенін растады.
Жүргізуші 40 жолаушыны тасымалдаған. Осы факті бойынша жүргізуші ӘҚБтК-нің 608-бабы 1-бөлігі бойынша әкімшілік жауапкершілікке тартылды”, – делінген хабарламада.
Жолаушылар сапарын басқа жүргізушімен жалғастырды.
"Бәрі бір сәтте мәнсіз болып қалды": Таяу Шығыста қиын жағдайға тап болған қазақстандықтар көргендерін айтып берді
Назгүл Тұрысбекованың сөзінше, олар құжаттарын ғана алып, қауіпсіз жерге шығуға мәжбүр болған
Ормуз бұғазының жабылуы, мұнай бағасының өсуі: Таяу Шығыстағы соғыс Қазақстан экономикасына қалай әсер етеді
Қаржыгер Айбар Олжайдың айтуынша, Ормуз бұғазы ұзақ мерзімге жабылмайды