Түркістан облысындағы өрт кезінде 12 адам терезедегі тордың кесірінен шыға алмай қалған

Фото: ТЖД

Түркістан облысы, Жетісай ауданы, Алғабас ауылында жантүршігерлік оқиға болып, жеке меншік екі қабатты үйде шыққан өрт кезінде 12 адам, соның ішінде балалар, қаза тапты. Алдын ала мәлімет бойынша тұрғындар терезелердегі торлар салдарынан оттегі жетпей, ғимараттан шыға алмаған. Бұл туралы Stan.kz ақпарат агенттігі хабарлайды.

Өрт таңғы сағаттарда басталған. Куәгерлердің айтуынша, өрт шыққан кезде үйден көмек шақырушылардың дауысы естілген адамдар терезелерді және торларды сындыруға тырысқан, бірақ бұл сәтсіз болған. Өрт сөндірушілер келгенде, ғимараттың төбесі опырылып түскен.

Құтқарушылар үй ішінде үш ересек пен тоғыз баланың мәйітін тапты. Тағы үш адам жеті жасар қыз және екі ересек аман шығарылды. Олардың жағдайы ауыр деп бағаланып отыр. Жарақат алғандар жедел жәрдем бөлімшесіне жеткізілді, екеуі өкпені жасанды желдету аппаратында. 

Шымкенттен жергілікті дәрігерлерге көмек көрсету үшін медициналық авиация бригадасы келді, қажет болса жарақат алғандарды Астанаға тасымалдау жоспарланып отыр.

Түркістан облысындағы 12 адамның қазасынан кейін жаппай тексеріс жүргізіледі

Алғабас ауылындағы өрт қасақана жасалмаған, қылмыс құрамы жоқ – Қанат Бозымбаев

Еске салайық, бұған дейін Түркістан облысында 12 адамның өмірін жалмаған өрттен аман қалған үш адамның бірі есін жиды. Зардап шеккендердің бірі 1986 жылы туған ер адам, денесінің 12%-ы күйген. Қалғандары 1991 жылы туған ер адам (30% күйік) және 2018 жылы туған қыз (11% күйік). Екеуі де өкпені жасанды желдету аппаратына қосылған. Ауруханаға жатқызылған науқастар қажет болса Астанаға санитарлық авиациямен жеткізілуі мүмкін. Тергеу жүргізіліп жатыр, нәтижелері кейін хабарланады.