Түркістан облысында 150-ге жуық адамды алдап соққан алаяқтар сотталды
Түркістан облысында 141 адамды алдап соққан алаяқтарға сот үкімі шықты. Сайрам ауданының 3 тұрғыны екі жыл бойы өз ауылдастарының атынан несие алдырып келген. Қарызды 6 ай ішінде өзіміз жабамыз деп сендірген жігіттер жәбірленушілерге үйде отырып, айлық төлейтіндерін де айтқан. Бұл туралы Stan.kz ақпарат агенттігі хабарлайды.
Коллаж Stan.kz
Жұмыс істемей-ақ айына 60 мың теңге алып отыруға келіскендердің көбі үй шаруасындағы әйелдер. Олар ауылдас жігіттерге 344 мың теңгеден, 2 миллионға дейін несие альп берген. Сосын алданғанын арада 4 ай өткенді бір-ақ білген. Қазіргі уақытта жәбірленушілер колына тимеген қаржының қарызын төлеуге мәжбүр.
Ал, 141 азаматты тақырға отырғызып кеткен сайрамдық үш жігіт 4 жыл 8 айға сотталды.
“Юлдашев олардың үйіне келіп, өзінің перде цехын ашқанын, оған ақша қажет екенін айтқан. Тендер ұтып алғанын жеткізген. Сөздеріне сеніп, телефондарын берген. Юлдашев ұялы телефонына кіріп, Kaspi голдынан тауарлық несиені рәсімдеп, өзінін сыбайластары Әбдіғаниев пен Шерниязовқа хабарласып, олар Whats’App арқылы QR кодын жіберген”, – дейді Сайрам аудандық сотының судьясы Дина Тойжанова.
Айта кетейік, бұған дейін Ақтөбе облысында алаяқтық бабымен айыпталған шенеунік сотта ақталып шыққаны туралы жазған едік.