Қазақстанның шығысындағы ауылда ауа температурасы минус 56 градусқа дейін төмендеген
Шығыс Қазақстан облысында қатты аяз жалғасып жатыр, өңірдегі қыс температуралық рекордтарды орнатты. Бұл туралы Stan.kz ақпарат агенттігі хабарлайды.
Әкімдік Шығыс Қазақстанға келетін туристер міндетті түрде жуырда минус 56 градус тіркелген “ең суық” ауылға баруы керек деп есептейді.
Өңірде бірнеше күн қатарынан қақаған аяз сақталып отыр. Бұл, әрине, таңғалатын жағдай емес. Алайда салыстырмалы түрде жылы күндерден кейін суық бірден күрт түсіп, минус 40 градусқа дейін жетті. Ал кейбір елдімекендерде жағдай одан да ауыр. Мәселен Алтай ауданына қарасты Парыгино ауылында минус 48 градус тіркелді. Жергілікті әкімдік ауыл тұрғындары мұндай экстремалды ауа райына дайын екенін, барлық нысан қалыпты режимде жұмыс істеп тұрғанын мәлімдеді. Глубокое ауданындағы Быструха ауылында минус 50 градус байқалса, Марқакөл ауданындағы Шанағатты ауылында минус 56 градусқа дейін төмендеді.
Әкімдік табиғаттың бұл “сыйын” күтпеген қырынан пайдалануға шешім қабылдады:
“Шанағатты – Қазақстандағы ең суық елдімекендердің бірі. Сонымен қатар бұл ауылда белгілі қазақ жылқышысы, Еңбек Ері Шарып Даутпаев өмір сүрген. Егер Марқакөл ауданына баруды жоспарласаңыз, Шанағатты – міндетті түрде көретін орын”, – делінген хабарламада.
Бұл ауылда адамдар да, инфрақұрылым да шыныққан сияқты, төтенше жағдайлар тіркелмеген. Жалпы, облыста аязға төзімді жандар көп, шоқыну мейрамы түнінде 40 градус аязға қарамастан, шамамен 900 адам мұз ойығына түскен.
"Сан алуанын көрген соң жігіттерге қызығушылығым мүлде жоғалып кетті": Бодимассажбен айналысқан қазақстандық қыз бастан кешкенін айтты
