Түрік соты қазақстандық әйелді қағып өлтірген адамға айыппұл салуға шешім шығарған

Фото: әлеуметтік желіден

Түркия соты Қазақстан азаматы Әлия Құлмағамбетованың өліміне себеп болған жол апатына кінәлі адамға айыппұл салды. Әйел 2023 жылы 13 қазанда Аланьяда бағдаршамның жасыл түсіне өтіп бара жатқанда қайтыс болды. Бұл туралы Stan.kz ақпарат агенттігі хабарлайды. 

Қайғылы оқиғадан кейін екі жыл өткен соң түрік соты жол апатына кінәлі  адамға үкім шығарды. Бастапқыда оған 2 жыл 6 ай бас бостандығынан айыру жазасы тағайындалған. Соттылықтың жоқтығын ескере отырып, мерзім 2 жылға және 1 айға дейін қысқартылды, содан кейін жаза 30 400 лира мөлшерінде (шамамен 395 мың теңге) айыппұлға ауыстырылды. Бұдан басқа, кінәліге төрт ай бойы көлік жүргізуге тыйым салынған.

Марқұмның сіңлісі Меруерт Ибраева үкімді отбасын қорлайтын шешім деп атады.

"Түрік соты немесе адам өмірі 395 200 теңге! Кінәлі тұлға сіңлімізді адам жаяу жүргіншілер жолында қағып кетті,... соның құны 700 доллар ма? Бұл шетелдегі азаматтарымыздың өмірінің құны ", - деп жазды ол өзінің Facebook-тегі парақшасында.

Ибраеваның айтуынша, екі жыл ішіндеші тергеу кезінде кінәлі адам бір күн де қамауда отырмаған.

"Осы уақыт ішінде біз кінәлінің TikTok-қа видео жүктеп, ән айтып, өмірден ләззат алғанын көрдік. Бұл роликтер қайғылы оқиғадан кейін екі аптадан соң пайда бола бастады ", - деді әйел.

Туыстары сот шешіміне шағымданатынын мәлімдеді.

"Біз әділеттілікке қол жеткізу үшін бар күш-жігерімізді жұмсаймыз", - деді марқұмның туысы.

Апаттан кейін Күлмағамбетованың туыстары Қазақстанның Сыртқы істер министрлігіне және Бас прокуратураға істі бақылауға алу туралы өтінішпен жүгінген. Сол кезде марқұмның ағасы жол-көлік оқиғасының мән-жайын айтып берді.

Оның айтуынша, апат болған D400 тас жолының учаскесі қауіпті. Қазақстандық журналист Арайлым Бағытжан мен оның екі жасар қызы осы жолда қаза тапқан, ал отағасы кейін алған жарақатынан қайтыс болған.