"Туған күнін күтіп жүрген": Алматыда жүк көлігі қағып кеткен 7 жасар Айзерені жерлеу рәсімі өтті
Алматыда 2 сәуірде жүк көлігі жаяу жүргіншілер өткелінен қағып кетіп, көз жұмған 7 жасар Айзеренің жерлеу рәсімі өтті. Жақындарының айтуынша, балдырған өзінің 8-ге толатын туған күнін күтіп жүрген. Бұл туралы Stan.kz ақпарат агенттігі хабарлайды.
Фото: Видео кадрларынан скрин
Алатау ауданында болған оқыс оқиғадан кейін желіде қызды жерлеу рәсімінің видеосы пайда болды.
Қыздың отбасы қайғылы оқиғаға автобус жүргізушісін кінәлап, жазалауды талап етті. Айтуларынша, бұл жағдай соның әрекеттерінен болып отыр.
"Автобус жүргізушісін жазалауға жұртшылықтың назарын аударғымыз келеді. Ол жол-көлік оқиғасын тудырды", – деді қайтыс болған қыздың ағасы.
Айзеренің ағасының айтуынша, ол үш аптадан кейін сегіз жасқа толар еді. Балдырған өзінің туған күнін күтіп жүрген.
Еске салсақ, Алматыда жүк көлігі жеті жасар қызды қағып кеткені туралы хабарлаған едік.
Талқылау
"Балам әкесінің дертін "мұра" етіп алды": Қазақстандық шизофрениямен ауыратынын 16 жыл бойы әйелінен жасырып келген
Жанна кез келген адам жарына адал болу үшін өзінің диагнозын айтуға міндетті деп санайды
Таеквондодан бас бапкер жалған құжат жасап, жасөспірімдер жарысына қатысқан: Министрлік оны жауапқа тартпаған
Бапкер жарысқа 2001 жылы қатысқан