Трамп Путинмен кездеспейтін болды: АҚШ ресейлік компанияларға санкция салды

Фото: Настоящее время

АҚШ президенті Дональд Трамп  Ресей президенті Владимир Путинмен кездесуден бас тартты. Сондай-ақ АҚШ қаржы министрлігі Ресейдің ірі мұнай компаниялары "Роснефть" және "Лукойл" компанияларына санкция жариялады. Бұл туралы Stan.kz ақпарат агенттігі ВВС басылымына сілтеме жасап хабарлайды. 

АҚШ президентінің пікірінше, Мәскеу Украинадағы атысты тоқтатуға шынайы ықылас танытпауы санкцияға себеп болды.

"Біз президент Путинмен кездесуден бас тарттық. Біз қажет нәрсеге қол жеткізе алмаймыз деп ойладым, сондықтан бас тарттым", – деді Трамп.

Трамп Путинмен келесі кездесу "болашақта" өтуі мүмкін деген болжам айтты, бірақ оның мерзімін нақтыламады. 

Өткен аптада Трамп Владимир Путинді соғыс қимылдарын тоқтатуға көндіретінін айтты. Будапешт саммитіне АҚШ мемлекеттік хатшысы Марко Рубио мен Ресей сыртқы істер министрі Сергей Лавров президенттер кездесуінің алдында көрісу керек еді. Алайда ол кездесу болмай қалған, Мәскеу ол жоспарланбағанын мәлімдеді. Рубио мен Лавров телефонмен сөйлесумен шектелді.

Зеленский Трамппен кездесу үшін Ақ үйге барды

Алайда Мәскеу кездесуге дайындық жүріп жатқанын алға тартты.

Трамптың Путинмен кездесуден бас тартуы туралы мәлімдемесі АҚШ қаржы министрлігінің ресейлік мұнай компаниялары Роснефть және Лукойлға, сондай-ақ олардың көптеген еншілес компанияларына қарсы ауқымды санкциялар жариялауымен бір мезгілде болды.

АҚШ қаржы министрлігінің хабарлауынша, санкциялар Ресейдің бітімгершілікке елеулі ықылас танытпауына байланысты енгізіліп отыр.

Компаниялардың АҚШ-тағы активтері бұғатталып, жаңа транзакцияларға тыйым салынады.

АҚШ қаржы министрлігі "Мәскеуді тез арада атысты тоқтатуға келісім беруге шақырады". Егер Путин Украинаға қарсы соғысты тоқтатуға келіссе, санкциялар тез арада жойылуы мүмкін деді АҚШ президенті.

Айта кетейік, бұған дейін Биыл 16 тамызда Ресей президенті Владимир Путин мен АҚШ президенті Дональд Трамп арасындаАляскада келіссөз өткен еді. Дегенмен бұл кездесу нәтижесіз аяқталған. Енді олар екінші рет Будапештте кездеспек.