Трамп Путин мен Зеленскийдің кездесу өткізетініне сенбейді

Фото: AP Photo/Evan Vucci

АҚШ президенті Дональд Трамп өзі, Путин және Зеленский арасында үшжақты кездесу өтетінін айтты. Алайде Ресей мен Украина президенттерінің жеке кездесу өткізетініне күмән келтірді. Бұл туралы Stan.kz ақпарат агенттігі Daily Caller басылымына сілтеме жасап хабарлайды.

Трамптың айтуынша, үшжақты кездесу міндетті түрде өтеді.

“Екіжақты кездесу туралы ештеңе айта алмаймын, бірақ үш жақты кездсеу өтеді. Білесіздер ме, кейде адамдар оған адамдар дайын болмайды”, – деді Трамп.

АҚШ  президенті Путин мен Зеленскийді балалар алаңындағы бір-бірін жек көретін балаларға ұқсатты.

“Сіздің балаңыз бар, ал ойын алаңында тағы бір басқа бала бар, екеуі бір-бірін жек көреді. Олар тербеле береді, ал сіз олардың тербелуді тоқтатқанын қалайсыз, бірақ олар бәрібір тербеле береді. Біраз уақыттан кейін олар тоқтағанына өздері де қуанады”, – деп мысал келтірді Дональд Трамп.

Оның сөзінше, тоқтатуға мәжбүрлемес бұрын, олар өзара күресу керек болады. Десе де Трмап президенттер арасындағы соғыстың ұзап кеткенін атап өтті.