Президент, ең алдымен, Эмманюэль Макронға мемлекеттік сапармен келуге шақырғаны үшін ризашылығын білдіріп, ерекше қонақжайлық көрсетіп жатқан француз халқына алғысын айтты.

“Біз үшін осы сапардың маңызы зор. Франция – Қазақстанның Еуропа Одағындағы жақын әрі сенімді серіктесі. Қарым-қатынасымыз 34 жылдың ішінде стратегиялық сипатқа ие болды. Астана мен Париж барлық деңгейде өзара түсіністікке негізделген саяси диалог орнатты. Сауда-экономика, инвестиция және мәдени-гуманитарлық салалардағы байланыс нығая түсті. Нақты шарттық-құқықтық база қалыптасты. Халықаралық ұйымдар аясындағы ықпалдастық кеңейді. Мызғымас достық пен өзара қолдауға негізделген серіктестігіміз алдағы уақытта да табысты болады деп сенемін”, – деді Қасым-Жомарт Тоқаев.

Брифинг барысында президенттер мына мәселелер туралы айтты:

- тараптар барлық мәселелерді бейбіт және саяси-дипломатиялық жолмен шешу қажет деп санайды;

- One Water Summit форумына дайындық мәселелерін талқылады, форумда климаттың өзгеруі мен жасыл экономиканы талқыланады;

- Абай атындағы Қазақ ұлттық педагогикалық университетінде Лотарингия университетінің филиалы ашылады. Сонымен қатар "Lumiere" қазақ-француз университеттік орталығын құруды қарастырылуда.

- Астана мен Алматыда қазақ-француз мектептері салынады;

Еске салсақ, бұған дейін Қазақстан мен Франция президенттері Елисей сарайының бағында бейресми әңгіме өткізіп, қазақ тазыларымен серуендегені туралы жазған едік.

Талқылау