Тоқаев Ассамблея мен Ұлттық құрылтайды біріктіріп, орнына Халық Кеңесін құру туралы бастама көтерді
Ұлттық құрылтай отырысында президент Қасым-Жомарт Тоқаев жаңа мемлекеттік орган – Халық Кеңесін құруды ұсынды. Бұл туралы Stan.kz ақпарат агенттігі хабарлайды.
Тоқаевтың сөзінше, Кеңес құрамына барлығы 126 адам кіреді: олардың 42-сі этномәдени бірлестіктерден, 42-сі мәслихаттардың өкілдері, ал тағы 42-сі қоғамдық ұйымдар атынан болады. Кеңестің отырыстары жылына бір рет өткізіледі.
Төрағаларды президенттің өзі тағайындайды. Орган заң шығару бастамасы құқығына ие болады. Этносаралық және конфессияаралық келісім мәселелері Қазақстан халқы Ассамблеясынан Халық кеңесіне өтеді.
Сондай-ақ әлемдік және дәстүрлі діндер көшбасшыларының съезін өткізу де осы органның құзыретіне кіреді. Халық кеңесі Конституцияға енгізіліп, оның қызметі үшін жаңа заңдар қабылданады.
Еміне 1,5 миллиард теңге қажет: Қазақстандық 7 жасар баланың бұлшықеттері әлсізденіп, жүруі қиындаған
Дәрігерлер қателесіп, 4 ай бойы баланы бауыр фиброзынан емдеген
Қазақстан әйелдерінің үйдегі тегін еңбегінің құны қанша: Есептеп көрдік
Оқырман: "Әйелдер де күнделікті тұрмыстан шаршайды, кейде демалып алғысы келеді"