16 жасқа толмаған адамдарды жыныстық қорлады деп айыпталған шетелдік Ахмаджон Кузибаевтың соты Астананың ауданаралық қылмыстық сотында өтті. Тергеу барысында анықталғандай, өткен тамызда 40 жастағы ер адам 9 жасар қызы және 4 жасар ұлы бар танысы тұратын жатақханаға барған. Әйел жұмысқа асығып бара жатқандықтан, олар сыртта кофе ішкен. Содан кейін ол кетіп қалған, ал Ахмаджон шаштаразға кеткен.

Алайда әйел аяқ киімін ұмытып кеткенін есіне түсіріп, үйге оралған. Кенет ас үйде Кузибаев мас күйде отырған. Ол шаштаразды күтіп отырғанын айтып ақталыпты.

Әйел жұмысқа кетті, ал өзбекстандық ер адам балаларға жаңғақ алып берген. Содан кейін қызды тізесіне отырғызып, сүйіп, тиісе бастаған. Бала қорқып кеткендіктен, Ахмаджон балаларға балмұздақ алуға ақша беріп, болған оқиғаны ешкімге айтпауды өтінді. Балалар пижамамен дүкенге жүгіріп кіріп, сатушыға болған оқиғаны бірден айтып берді.

2026 жылға арналған Ораза кестесі жарияланды

Сатушы әйел күйеуін оқиға орнына жіберіп, полиция шақырды. Ер адам ұсталды, бірақ қамауға алынған жоқ. Себебі Қылмыстық кодекстің 121-1-бабы “Он алты жасқа толмаған адамдарға сексуалдық сипатта тиісу” бойынша бас бостандығынан айыру қарастырылмаған.

Сондықтан Ахмаджон Кузибаевқа тек 200 сағат қоғамдық жұмыс тағайындалды. Жәбірленушінің адвокаты оны 50 күнге қамауда ұстауды сұрады, бірақ судья Данияр Жүнісов бұл жаза 2027 жылдың 1 қаңтарына дейін қолданылмайтынын атап өтті.

Сотталушыға жәбірленуші мен оның отбасына жақындауға тыйым салынды. Ал елімізден депортациялана ма, жоқ па, белгісіз.

Өмір айнасы

Қырмызы Скендирова

Сенбі, 07 Ақпан, 2026 13:40

Біздің таңдауымыз

Бір күнде әкесінен айырылып, кенже бауыры төсекке таңылған қазақстандық жігіт елден көмек сұрады

"Енесі бауыздап өлтірген": Германияда көз жұмған судьяның анасы жантүршігерлік деректерді айтты

Қызымның қанын төккендер әлі жазасын алмады.