Теміртауда ер адам тұрғын үй кіреберісіндегі шыршаны әдейілеп өртеп жіберген (видео)
Фото: Видеодан скрин
Теміртауда ер адам көпқабатты тұрғын үйдің кіреберісіндегі шыршаны өртеп жіберген. Полиция күдіктіні бірден қолға түсірді. Бұл туралы Stan.kz ақпарат агенттігі хабарлайды.
Оқиға болған сәт бейнебақылау камерасына түсіп қалған. Кадрдан ер адамның шыршаға әдейілеп жақындап, өрт қойғанын көруге болады. Мәліметке сәйкес, өрт жедел түрде сөндірілген, зардап шеккендер жоқ.
Қарағанды облыстық полиция департаменті жағдайға қатысты пікір білдірді.
“Теміртау қаласындағы тұрғын үйлердің бірінің кіреберісінде жаңажылдық безендірулерді әдейі бүлдіру дерегі бойынша әкімшілік іс қозғалды”, – делінген хабарламада.
Алматыда көпқабатты үйдің кіреберісін өз қаражатына жөндемек болған азаматқа айыппұл салынды
Бейнебақылау камерасындағы жазбаларды тексеру барысында полиция қызметкерлері құқық бұзушының осы үйдің 33 жастағы тұрғыны екенін анықтады.
“Қазір оған қатысты “Бөгде мүлікті қасақана жою немесе бүлдіру” бабы бойынша әкімшілік материал жиналып, процессуалдық шешім қабылдау үшін сотқа жолданады”, – делінген хабарламада.
Айта кетейік, бұған дейін Өскеменде жігітті үйге кіреберіс есіктен тоқ соғып, жансақтау бөліміне түскені туралы жазған едік.
"Әлемде мейірім барына сендіретін жандар": 2025 жылғы жан жылытар әрекеттер мен халықты тәнті еткен қазақстандықтар
