Ширек финалда ол ITF Juniors рейтингінде 48-орында тұрған Гонконг өкілі Кай Томпсонмен кездесіп, тартысты матчта жеңіске жетті. 2 сағат 50 минутқа созылған ойында қазақстандық спортшы 3:6, 7:6 (7:4), 6:4 есебімен қарсыласынан басым түсті.

Осылайша Заңғар Нұрланұлы Қазақстан тарихында алғаш рет Australian Open турнирінің жасөспірімдер арасындағы жекелей сынында жартылай финалға шыққан тұңғыш қазақ теннисшісі атанды.

Айта кетерлігі, матч барысында Заңғардың аяғының бұлшық еті құрысып, қозғалуына қиындық туса да, ол кездесуді соңына дейін жалғастырып, жеңісті жұлып алды.

“Бүгін осындай ауыр матчта жеңіске жеткеніме қуаныштымын. Келесі ойынға дейін жарақатымды емдеп, бабымa келуге тырысамын. Жартылай финалға шығу бір мақсатым еді. Енді Australian Open турнирінде чемпион атанғым келеді”, – деді теннисші.

Жартылай финалда Заңғар Нұрланұлы финал жолдамасын америкалық Китан Ганс пен Қытай Тайбэйі өкілі Куан Чоу Чен арасындағы кездесудің жеңімпазымен сарапқа салады.

Елена Рыбакина Australian Open турнирінде әлемнің бірінші ракеткасымен чемпиондық атақты сарапқа салады

Айта кетейік, Заңғар Нұрланұлы өткен жылы да тарихи жетістікке жетіп, жасөспірімдер арасында қазақстандықтар атынан алғаш рет АҚШ ашық чемпионатының (US Open) жартылай финалына дейін жеткен.

Ақерке Өмірхан

Жұма, 30 Қаңтар, 2026 10:49

Біздің таңдауымыз

Өмірі ауруханаға бармаған 100 жастағы ата ұзақ өмір сүрудің құпиясын айтты

Ұзақ өмір сүрудің құпиясы қымбат дәрі-дәрмек пен ерекше күтімде емес

Қазақстандық жайлы өмір үшін Занзибарды таңдаған: "Халқының жалақысы 30 мың теңге, азық-түлік Қазақстаннан екі есе арзан"

Сұлтан: “Арал президенті көршім, ол қарапайым, күзетшісіз жүреді”