"Таңғы асты Парижден ішеміз": Фариза Төреәлі армандарының орындалуына қатысты жазба жариялады

Фото: Жеке парақшадан алынды

Танымал блогер Фариза Төреәлі бала күніндегі армандарының орындалғанын айтты. Бұл туралы Stan.kz ақпарат агенттігі хабарлайды. 

Желі жұлдызы шетелден таңғы ас ішуді армандаған көрінеді. 

“Бала күнімдегі бір сәт есіме түсіп кетті. Ағам, мен, сіңлім – үшеуміз армандауды, болашақ жайлы елестетуді бір жақсы көретін едік. Әсіресе ағам. Шамамен менің жеті жасым. Әлі есімде екен. Байқоңырда тұрамыз. Шай үстінде әңгіме-дүкен құрып, жақсы әңгімелер көп болатын. Сонда ағам бір сөзінде "Алла қаласа, үлкен қалаға көшеміз, сондай күнге жетеміз, бәріміз таңертең тұрып "кеттік таңғы асты Парижде ішейік, кешкі асты тағы бір елде" деп кетіп қала салатын сәттер болса, иә" дегені бар. Бірақ ол кездері ондай мүмкіндіктер жоқ еді. Кішкентай мен үшін қатты есімде қалған сәт екен, тіпті елестетіп миыма сіңіріп алдым”, – деп жазды блогер.

• "Құны – 3 миллион теңге": Фариза Төреәлі анасы мен енесіне алған сыйлығын көрсетті

• "Бір пәтердің құны": Төреғали Төреәлінің ата-анасы қыздарына сырға сыйлап, қызу талқыға түсті

Одан кейін армандау шексіз екенін, алайда адамның миында шектеу барын да түсіндірді. 

“Қазір ойлап отырсам, ағамның миында бала күнінен шектеу жоқ. Өзі ғана армандап қоймай, бізге де үйреткен екен. "Мүмкін емес" дегенді ойламаған. Ойына, армандарына, қиялына ерік беріпті. Сонда кішкентай Фариза әлгі өмірді елестетіп, миына жаңа нейрондарды енгізе бастаған екен. Дәл біз армандап отырған өмір мүмкін екеніне сендім. Адамға нық сенім өте керек”, – деп жазды желі жұлдызы. 

Еске салайық, Фариза ағасы туралы ауыр сөз айтқан оқырманын орнына қойған еді.