Талдықорғанда әскерге жаңадан шақырылған сарбаздар жаппай ауруханаға түсті
Талдықорғанда әскерге жаңадан шақырылған сарбаздар жаппай ауруханаға түсті. Бұл туралы Stan.kz ақпарат агенттігі забарлайды.
Фото: Ашық дереккөзден
Қорғаныс министрлігі жағдайға қатысты түсініктеме берді. Министрлік мәліметінше, Талдықорған қаласындағы 18404 әскери бөлімінде дәрігерлер медициналық тексеру кезінде маусымдық суық тию белгілері бар 16 сарбазды анықтаған.
Министрлік сарбаздардың Талдықорған әскери госпиталіне жатқызылғанын мәлімдеді. Бір сарбаз көпсалалы госпитальға жатқызылған. Дәрігердің айтуынша, биылғы жылдың 4 қазанында қарулы күштер қатарына шақырылған сарбаздар әскери бөлімге суық тию белгілерімен келген.
"Әскери медицина қызметкерлері науқастарды оқшаулау және емдеу бойынша жедел шаралар қабылдады. Бір әскери қызметкер өзін нашар сезініп, көпсалалы госпитальға "полисегментальды пневмония" диагнозымен жатқызылды. Өміріне қауіп төніп тұрған жоқ. Әскери қызметкер есін біледі, тамақты өз бетімен жейді. Оң өзгерістер бар", – дейді дәрігер Болат Тасыбаев.
Қорғаныс министрлігі барлық әскери қызметкерлер толық ем қабылдайды. Жақын арада қажетті емдеу шараларынан кейін сарбыздардың бір бөлігі ауруханадан шығуға дайындалады.
Еске салсақ, бұған дейін Қарағанды облысындағы гарнизонда әскери қызметкер өзін атып өлтіргені туралы жазған едік.