"Облыстық мамандандырылған олимпиадалық резерв мектеп-интернат-колледжінде (ОСШИКОР) орын алған қасақана тәртіп бұзу фактісі бойынша мектеп-интернат әкімшілігі қызметтік тексеру жүргізді. Кінәлі оқушы-спортшылар мектеп-интернаттан шығарылды. Тәртіпсіздікке жол берген қызметкерлерге мектеп әкімшілігі әкімшілік жаза қолданды. Сонымен қатар барлық материал зерттелгеннен кейін Ақмола облысының дене шынықтыру және спорт басқармасы тексеру жүргізіп, кінәлілерді жазалайтынын қосымша хабарлаймыз", – деді басқармада.

Назар аударыңыз! Жазбада бейәдеп сөздер кездеседі.

Бұл оқиғаны Степногорск қаласы әкімінің орынбасары Гүлназ Әбілова да түсіндірді.

"Бес адам бір тіс щеткасын пайдаланған, қайыр тілеуге мәжбүрлеген": Алматыдағы қоғамдық қор жетекшісі мүгедектерге арналған интернаттардағы сұмдық жайттың бетін ашты

Жылап, ұрмауын өтінген: Алматыдағы балалар үйінің тәрбиеленушісін ұрғандар видеоға түсіп қалды

"Ақша бопсалаған": Ақтауда мектеп оқушысы әжетханада соққыға жығылды

Ол қалада облыстық спорттағы ерекше дарынды балаларға арналған мектеп-интернатындағы жағдай бойынша кәмелетке толмағандардың құқықтарын қорғау комиссиясының шұғыл отырысы өткенін жеткізді. Көпшіліктің наразылығына байланысты журналистердің кездесуге қатысуына рұқсат етілген.

"Мұнда балалардың жеке бұзықшылығы емес, интернат әкімшілігінің қызметі қаралды. Тап сол басшылық кейбір балалар басқаларды қорлап жатқанда, балаларға қатыгездік көрсету фактілеріне жол беріп қойған. Осы жағдайға жол берген мектеп әкімшілігіне шара қолдану туралы ұсыныстармен облыстық кәмелетке толмағандар істері жөніндегі комиссияға және Ақмола облысының спорт басқармасына хат жолдадық", – деді Гүлнәз Әбілова.

Шенеунік жағдайдың бақылауда екенін және барлық қажетті шара қабылданғанын айтты. Зардап шеккен балалармен психологиялық жұмыстар жүргізу ұсынылды.

Талқылау