"Сыйақы алуға ұяламын": "Қазпошта" басшысы қанша жалақы алатынын айтты
"Қазпошта" АҚ басқарма төрайымы Әсел Жанасова мәжілісте өткен баспасөз мәслихатында табысы туралы ашық айтып, сыйақы алуға неліктен ұялатынын түсіндірді. Бұл туралы Stan.kz ақпарат агенттігі хабарлайды.
Видеодан скриншот
"Қазпошта" басшысы ай сайын 1,2 миллион теңге жалақы алады. Ол басқа ұлттық компаниялардың топ-менеджментінің жалақысы бірдей деңгейде екенін атап өтті.
"Қазпоштада дағдарысқа қарсы жоспар бар. 2023 жылы аз ғана пайда таптық. Сондықтан сыйақы мен бонустар алуға мүмкіндігіміз жоқ. Жаңа жылға сыйақы болмайды. Бес жылдық жоспарымыз бар. Бес жылдың ішінде пошта қызметін аяғынан тік тұрып, жоспарды орындасақ, оны қарастыруымыз мүмкін. Қазір ұят болды, мен үшін лауазымым емес, поштаның ұстанымы бірінші орында тұр. Көтерсек, бірінші кезекте ауылдардағы пошташылардың жалақысын көтеремін, оларға үстемақы төлеймін", – деді Әсел Жанасова.
Оның айтуынша, өткен жылы компания қызметкерлеріне үш рет, биыл екі рет сыйлықақы берілген.
"Бізден 100 есе жоғары алады": Қазақстан мен шетелдік дәрігерлердің жалақысын салыстырып көрдік
Алматының ауруханасында жұмыс істейтін дәрігерлер 160-250 мың теңге алады
Қазақстанда биыл БАҚ өкілдерін марапаттауға 35,2 миллион теңге бөлінген
Ал 2021 жылы журналистерді ынталандыруға тек 14,5 миллион теңге бөлінген