Шымкенттің колледждерінде бірнеше мұғалім жалған дипломмен жұмыс істеп келген

Олар осылайша бір емес, бірнеше жыл бойы мемлекеттің қаражатын иемденіп, ай сайын жалақы алып жүрген. Мұндай заң бұзу дерегін прокурорлар анықтаған. Құзырлы орган қызметкерлері тексеріс барысында бұдан басқа тағы қандай кемшіліктерді тапты?

Шымкенттің колледждерінде бірнеше мұғалім жалған дипломмен жұмыс істеп келген

Бұл туралы Еуразия бірінші арнасы хабарлайды.

Қалалық прокуратура білім бағдарламаларының орындалуы мен мемлекеттік тапсырысқа бөлінген бюджет қаржысының тиімді жұмсалуына тексеріс жүргізген. Қадағалаушы орган қызметкерлері алты орта арнаулы білім ұясын назарға алыпты. Нәтижесінде, кейбір оқу орындары студенттердің степендиясы мен жол ақысына бөлінген қаражатты аудармағаны белгілі болған. Ал, студенттер болса, мұндай жеңілдіктің бар екенін естіп, таңданысын жасыра алмады.

Екі колледж 500-ден астам студентке 2,5 миллион теңге берешек болған. Қыруар қаражат прокурорлық тексерістен кейін ғана заңды иелеріне қайтарылған. Құныққаны соншалықты оқу орнының бірі заңды белден басып, мемлекеттік сатып алулар байқауының талаптарын өрескел бұзған. Бұл былық та ашылып, 40 миллион теңгеге жуық ақшаның әлдекімдердің қалтасында кетіп қалмауына тосқауыл қойылған.

«Жалпы, осы тексеру нәтижесімен 11 прокурорлық қадағалау актісі енгізілді. Осы прокурорлық қадағалау актісінің нәтижесінде, 7 миллионнан астам қаржы өтелді. Одан бөлек, заң бұзушылыққа жол берген 35 тұлға тәртіптік жауапкершілікке тартылды», – дейді Шымкент қаласы прокуратурасы басқарма басшысының орынбасары Батыр Ергешев.

Сондай-ақ, осы тексеру барысында бірқатар мұғалімнің жалған дипломмен жұмыс істеп келгендері белгілі болған. Құзырлы орган дәл осындай жеті деректі анықтағанын айтады. Соның бірі – елімізге белгілі өнер ордасы екен. Талай шәкірттің түлеп ұшуына мұрындық болған білім ұясы бір сәтте осындай келеңсіздікке тап болды. Осында кітапханашы болып еңбек еткен төрт баланың анасы білдей мамандық иесі екенін құжат жүзінде дәлелдей алмапты. Оқығанын растағанымен, бірақ, дипломы шикі болып шыққан.

«Оны біз білмейміз, жоғары оқу орнын бітіріп келді. Анықталғандай, оның дипломы жалған боп шықты», – дейді колледж директорының орынбасары Күміс Толыбаева.

Осы күні жалған дипломмен жұмыс істеп келгендер жұмыстан босатылған.  Қазір сотқа дейінгі тергеу амалдары жүргізіліп жатыр. Егер олардың заңсыз әрекеті дәлелін табатын болса, онда осы уақытқа дейін төленген жалақы кері қайтарылады екен.

Прокурорлық тексерудің нәтижесі, қаладағы 6 арнаулы білім беру мекемелерінің былығын әшкерелеп берді. Мысалы, 1,5 мыңдай шәкірт өзіне тиесілі  7,5 миллион теңгені ала алмай келген.  Олардың ішінде кәмелет жасына толмағандар мен тұл жетімдер де бар. Заң бұзу дерегі анықталғаннан кейін, әлгі миллиондаған қаражат кері қайтарылыпты. Ал, жауапты тұлғалар тәртіптік, әкімшілік, тіпті, кейбіріне айыппұл да салыныпты.

Stan.kz сайтын Telegram арқылы оқыңыз. Арнамызға жазылыңыз.

Соңғы ЖАҢАЛЫҚТАР

Әлемдегі ең бай адамның бірі қайтыс болды

Өлімнің себебі айтылмады

50 миллионды қолды қылған: Алматыда 33 жастағы келіншек алаяқ болып шықты

Құйтырқы әрекетін ол тұрғынүй инспекциясының алдында жүріп жасаған екен

Ресейде зорланған қазақстандық қыздың оқиғасына қатысты жаңа деректер анықталды

Қазіргі уақытты 3 полиция қызметкері күдіктеліп отыр

Спортшылар қанша табыс табады: Хабиб Дастин Порьемен жекпе-жек өткізеді

Айқас Біріккен Араб Әмірлігінде өтпек

Ерлі-зайыпты көлден екі аузы бар балық аулады

Олар балықты суретке түсірген соң қайта суға жібере салды

Суға батқан қыздың әруағы жүреді: Қуыршақтардан тұратын әлемдегі ең қорқынышты мекен анықталды

Аңыз бойынша, аралда өмір сүрген адам суға батқан қызды құтқара алмаған

Қазақстанда атаулы көмек алатын 70 мың отбасы қайта тексеріледі

Сапарбаев: 300 мың жалақы алатындар құжатқа 40 мың жалақы аламыз деп көрсетеді

Атыраудағы драма театры толықтай кәсіпкерлердің есебінен қалпына келтіріледі

Комиссия өрттен болған нұқсанның нақты көлемін анықтап жатыр

Жәкішевтің апелляциялық сот отырысын тағы да кейінге қалдырды

Бұған дейін апелляциялық сот 27 тамызға ауыстырылған еді

"Парашют ашылмай қалды": Алматы облысында тікұшақтан секірген әскери қызметкер көз жұмды

Әскери қызметкер қосымша парашютті қолданбаған
Çàãðóçêà...