Шымкентте жартылай жалаңаш бойжеткен көшенің дәл ортасында би биледі: Оны психиатриялық ауруханаға алып кетті (видео)
Шымкенттегі жолдардың бірінде іш киіммен би билеген бойжеткенді психиатриялық ауруханаға мәжбүрлеп алып кетті. Бұл туралы Stan.kz ақпараттық агенттігі хабарлайды.
Бұған дейін желі пайдаланушылар қаланың орталығында белдемшесін, жейдесін, аяқ киімі мен капрон шұлығын шешіп тастап, көшеде айқайлап жүрген қыздың видеосын желіге жариялаған болатын. Содан кейін жартылай жалаңаш бойжеткен көшеде өтіп бара жатқан көліктерге жүгіріп, тіпті автокөліктің алдына жатып алып би билеген.
Куәгерлердің айтуынша, оқиға Байтұрсынов көшесінде орын алған.
Біраз уақыттан кейін бұл жерге кезекші патрульдер келген. Бұған дейін көшеде шешініп тастап, еркін билеп жүрген қыз полиция қызметкерлерін көре сала, қашуға тырысқан. Бірақ полицейлер оны ұстап, көлікке отырғызып, психиатриялық ауруханаға мәжбүрлеп алып кеткен. Бұл масқараны естіген қыздың туыстары түбіртек жазып, бойжеткенді мекемеден шығарып алды.
Сондай-ақ, Оңтүстік Қазақстан облысы Ішкі істер департаменті де бұл оқиғаны растап, оның 14 мамырда болғанын хабарлады.
Ал денсаулық сақтау бөлімінде 1996 жылы туылған қыздың психиатриялық ауруханада тіркелмегенін атап өтті. Белгілі болғандай, ол Түлкібас ауданының тұрғыны екен.
Оқи отырыңыз:
Ұятсыз нөмірлер: Қазақстанда гей, жын, ұры, жұт деп жазып алған автокөлік нөмірлеріне тыйым салынды
Қазақстанда жаз мезгіліне екі апта қалғанда қар жаууы мүмкін
Қазақстандықтардың ұялы телефондары ЖСН-ға байланыстырылады
Қазақстандағы 2018 жылғы үздік 20 жоғары оқу орнының тізімі белгілі болды