Шымкентте сәбиін алтынға айырбастамақ болған әйел сотталды

Шымкентте апалы-сіңлілі әйелдер жаңа туылған бүлдіршінді сатқаны үшін 5 жылға сотталды. 29 жастағы келіншек пен оның әпкесі шақалақты 200 мың теңгеге және алтын сақина және сырғаға бағалаған.

Бұл туралы КТК арнасы хабарлайды.

6 балалы әйел наурыз айында босана сала туысына баламды сатып бер деп өтініпті. 32 жастағы әпкесі де жақынының көңілін жықпай, ғаламтор арқылы клиентті тез тапқан. 200 мың теңге мен алтын сырға және жүзікке саудаласқан олар баланы туа сала Атырау асырып сатып жіберген. Сәбидің жәйі белгісіз.

Тергеушілер сатып алушыларды да сол күйі таппапты. Ал, 5 жылдан арқалаған безбүйрек қос әйелдің күйеулері де жоқ екен. Енді арттарында қалған шиеттей 9 бала жетімдер үйіне өткізілуі мүмкін.

“Тұрғанбаеваның 6 бала-шағасы бар, екіншісінде 3 бала-шаға бар. Енді соны оның әке-шешесіне бере ма, мүмкін балалар үйіне бере ма, может біреуге патронат тағайындайтын шығар. Оны жаңағы білім бөлімі шешеді”, – деді  ОҚО кәмелет жасқа толмағандардың ісі жөніндегі мамандандырылған ауданаралық сот төрағасы Серікбай Төлепбергенов.