Шығысқазақстандық жігіт ЭКСПО-ға қатысу үшін Астанаға жаяу аттанды
Шығысқазақстандық Ғалымжан Тоқтар 16 күн ішінде мың шақырымды жүріп өтпек. Мақсаты – Елордада өткелі жатқан ЭКСПО-ны көру. Ал халықаралық көрменің билетін Ғалымжанға әкімдіктегілер тарту етіпті. Бұл туралы КТК хабарлайды.
Тоқтарды алыс сапарға тума-туыстары мен жақын-жуықтары шығарып салды. Қажетті қаржыны да солар жинап беріпті. Қазір жұмыссыз жүрген 28 жастағы жігіт Қазақстанға Қытайдан көшіп келген. Жұбайы, екі баласы бар. Бір кездері кір тасын көтерумен шұғылданып, кейін жүгіруді әдетке айналдырған.
Ғалымжан өзі тұрып жатқан Шығыс ауылынан Астанаға жеткенше жолдағы кафе-мейрамханалардан тамақтанып, қонақүйлерге түнемек. Айтуынша, оның бұл әрекетіне айналасындағылар әуелгіде сенімсіздік білдіріп, қарсы шығыпты.
“Көп адамдар қарсы шықты. 1000 км оған сенің денсаулығың жарай ма деген сияқты әңгімелер айтты. Бірақ мен ол кісілердің бәріне қиындықтарды жеңетініме сенімді екенімді айттым. Содан кейін ол кісілер ақырындап келісті сол баруға”, – деді саяхатшы Ғалымжан Тоқтар.
Оқи отырыңыз:
Қайын інісімен төсектес болған келіншек баласының кімнен екенін білмей жүр
Науқас қыздың анасы қайырымды жандардың 10 млн теңгесін басқа мақсатта пайдаланған
17 жыл бала сүюді армандаған әйел бірден 6 баланы өмірге әкелді (фото)
Депутаттар жоғары оқу орындарындағы әскери кафедраларды жабу туралы ұсыныс айтты