«Шығыс аруы – 2017» атағына 18 жасар студент ие болды (фото)
Өскеменде дәстүрлі «Шығыс аруы – 2017» байқауы өтті. Шығыс Қазақстанның ең талантты, білімді сұлу қыздары сайысқа түсті. Байқау бірнеше кезеңдерден тұрды.
Қатысушылар өздерінің хореографиялық, шығармашылық және вокалдық өнерлерін ортаға салды, деп хабарлайды YK-news.kz.
Үнді және қазіргі заманғы би биленіп, қазақ, орыс және шет тілдеріндегі әндер орындалды. Тіпті қатысушылардың бірі төрешілердің алдына өзі дайындаған тортын ұсынды. Бұдан өзге, қатысушылардың білім деңгейі сыналып, түрлі интеллектуалдық сұрақтар қойылды.
«Шығыс аруы – 2017» атағына ШҚМУ студенті 18 жасар Назерке Серікова ие болды.
«Байқауға қатысушылардың барлығы да жеңіске лайықты. Барлығы әдемі. Бірақ, мен жеңіске жетуді қатты армандадым. Осымен тоқтап қалмай, өзімді әрі қарай дамытып, болашақта басқа да жетістіктерге қол жеткізгім келеді», – дейді Назерке.
Барлық байқау қатысушыларына арнайы сыйлықтар мен грамоталар табысталды.
«Қазылар алқасына байқаудың әділ бағасын беру оңайға соққан жоқ. Дегенмен барлық жағынан оқ бойы озып шыққан жеңімпазды анықтадық», – дейді байқаудың ұйымдастырушысы Лаура Тұртыбекова.
Кристина Даутова
Тағы да оқыңыз:
Танымал қазақстандық журналисті пойызда пышақтап кетті
Қарағандыда жоғалған қыз жаңалықтардан анасының шексіз махаббатын оқып үйіне өзі оралды