Шри-Ланкада экстремалды ауа райы салдарынан қаза тапқандар саны 607 адамға жетті
Фото: © Getty Images / NurPhoto/Krishan Kariyawasam
Циклон "Дитва" туындатқан қолайсыз ауа райы салдарынан Шри-Ланкада қаза тапқандар саны 607 адамға жеткен. Бұл туралы Stan.kz ақпарат агенттігі Синьхуа порталына сілтеме жасап хабарлайды.
Шри-Ланкадағы төтенше жағдайлар орталығының деректері бойынша, тағы 214 адам хабар-ошарсыз жоғалған деп есептелуде, ал стихия елдегі 586 464 отбасыдан тұратын 2 миллионнан астам адамға әсер еткен. 4164 үй қираған, ал 67 505 үйге ішінара зақым келген.
Сонымен қатар Шри-Ланка метеорология департаменті 9-11 желтоқсан аралығында солтүстік-шығыс муссондары әсерінен кей аймақтарда жауын-шашын мөлшері артуы мүмкін екенін ескертті.
Шри-Ланка Ұлттық құрылыс және зерттеу ұйымы да Канди, Кегалле, Курунегала, Матале және Нувара-Элия аймақтарында жер үйінділері қаупіне байланысты үшінші деңгейлі ескерту жариялады.
Оңтүстік-Шығыс Азияда сел мен жер сілкінісінен 500-ден астам адам қаза тапты
Еске салайық, бұған дейін Шри-Ланкада 26 қарашада "Дитва" циклоны салдарынан 20 жыл ішінде болмаған ірі су тасқыны болды. Елдің солтүстік және орталық аймақтарында қауіп деңгейі өте жоғары деп жарияланып, 132 адам қаза тауып, 176 адам хабар-ошарсыз кеткен еді. 44 мыңға жуық тұрғын эвакуацияланып, төтенше жағдай режимі енгізілді.
"Бізден 100 есе жоғары алады": Қазақстан мен шетелдік дәрігерлердің жалақысын салыстырып көрдік
