Белгілі жаттықтырушының ұлы көз жұмған: Шымкенттегі адам өліміне әкелген төбелестің мән-жайы белгілі болды

Фото: egovpress

Шымкентте бір топ адам төбелес шығарып, соңы адам өлімімен аяқталды. Бұл туралы Stan.kz ақпарат агенттігі хабарлайды.

Шымкентте Ерімбетов пен Рысқұлов көшелерінің қиылысында Toyota Camry көлігінің жүргізушісі бағдаршамның жасыл түсі жанғанын күткен Hyundai Sonata көлігінің артқы бамперіне жеңіл соққы жасады. Содан кейін Toyota-дан үш ер адам секіріп түсті, содан кейін жанжал басталды. Көп ұзамай Lexus LX-570 көлігінен төрт ер адам жүгіріп шығып, Hyundai жүргізушісі Нұрмахан Ешанқұлов пен оның жолаушылары Мақсат Көшкенбаев пен Василий Колесниковке шабуыл жасады.

Мақсат Көшкенбаев мойнынан пышақ жарақатын алып, кейін №1 қалалық клиникалық ауруханаға жатқызылды. Ешанқұлов соққыға жығылғанымен, ауыр зардаптар болған жоқ. Колесниковты ұрып-соққаннан кейін белгісіз шабуылдаушылар оны Toyota Camry көлігіне күштеп мінгізіп, қашып кетті.

Жолдан өтіп бара жатқан ондаған жүргізуші оқиғаға куә болды, бірақ ешкім көмекке асықпады. Тек кейбір жүргізушілер жайтты видеоға түсіріп алды. Кейінірек полиция екі көлікті тапты. Күдіктілер көліктерін тастап кеткен.

Бақылау камераларынан Колесниковты ВАЗ-2114 көлігіне отырғызып, Түркістан облысының Ордабасы ауданы бағытына кеткені анықталды. Десе де полиция оларды ұстай алмады.

Шамамен екі сағаттан кейін тұрғындар Ордабасы ауданындағы Темирлановка ауылында орталық аудандық ауруханадан алыс емес жерде Колесниковтың денесін жарақаттарымен тапты.

Шымкентте төбелес кезінде қаза тапқан Василий Колесниковтың күрестен жаттықтырушы Александр Колесниковтың ұлы екені айтылды. Жергілікті тұрғындардың айтуынша, ол қайғылы оқиғадан бір күн бұрын әйелінің қазасының жылын өткізген.

Тағы бір жәбірленуші Мақсат Көшкенбаевтың да қаза болғаны туралы ақпарат келіп түсті. Алайда ол ресми расталмады. Полицияның ақпаратына сәйкес бес күдікті іздестіріп жатыр.

Бұған дейін Нұрай өліміне байланысты ішкі істер министрі Ержан Саденов Шымкенттің полиция полковниктері Алмасбеков пен Саховты қызметінен босатты. Олардың орнына әлі адам тағайындалмаған кезде мына қылмыс болып үлгерді. Енді мұны бүгін ғана Шымкент полиция департаменті бастығының міндетін атқарушы Арман Бейсенбаев қолға алады. Ол осыған дейін Түркістан облысының полиция департаменті басшысының бірінші орынбасары қызметін атқарып жүрген еді.

Еске салсақ, Шымкентте жол апатынан кейінгі дау төбелеске ұласып, бір адам қаза тапқаны айтылды.