БАҚ беттерінде Маңғыстау облысы Бесшоқы ауылындағы 300 оқушы уланған мектеп директорының Асхат Аймағамбетовпен туыстық қатынасы болуы мүмкін деген ақапарат тарады. Экс-министр бұл ақпараттың шындыққа жанаспайтынын айтты.

“Қызық, менімен тектес қанша адам бар екен? Егер олардың барлығын менің туыстарым деп есептесек, онда кез келген мәселеде осы туралы жазуға болады. Сонда әр тақырып өзгеше түрленіп кетеді. Мысалы, Маңғыстаудағы жағдай туралы жазған бір басылым ондағы мектеп директорын менің "туысым" деп көрсеткен. Мен мұндай адамды бірінші рет естіп тұрмын. Енді оларды шежіреге қосу керек болды”, – деп жазды Аймағамбетов.

"Гүлмира Сатыбалды экс-президентпен туыстық қатынасы бар екенін көрсеткісі келді: Жарыссөзде жәбірленушінің адвокаты сөйледі

"Той шығыны аз болып, байланыс ажырамайды": Өзбекстанда туыстық некенің салдарынан генетикалық ауруға шалдыққан ұрпақ көбейген

Мәжіліс депутаты білім беру саласындағы басшылық қызметте ешқандай туысы жоғын айтты. Ол Маңғыстауда болған жағдайға қатысты балалар мен ата-аналарға қолдау білідіріп, тезірек сауығып кетуін тіледі.

Еске салайық, бұған дейін Маңғыстау облысында Бесшоқы ауылындағы №8 мектепте оқушылар жаппай тамақтан уланып қалғанын жаздық. Деректерге сенсек, мектеп асханасына барған 1-4-сынып оқушылары зардап шеккен. Зардап шеккен қыздың туыстарының айтуынша, жергілікті ауруханаға барған кезде ол жақта кезекте 50-ден астам бала болған. Көрші Маңғыстау ауылының медициналық мекемесі 35-40 оқушыны бақылап, кейбір зардап шеккендерді Ақтаудағы облыстық балалар ауруханасына жіберген.

Талқылау