Шариғатта қандай жағдайда өтірік айтуға рұқсат етіледі
«Өтірікші жамандыққа бастайды, ал жамандық тозаққа бастайды». Пайғамбарымыздың (с.а.у.) осы сөзінен-ақ өтірік айту күнә екенін аңғаруға болады. Дегенмен шариғатта кей жағдайларда өтірік айтуға рұқсат етіледі.
Пайғамбарымыздың (с.а.у.) қызы Үмму Гүлсім (р.а) жеткізген хадисте: «Мен Пайғамбарымыздан (с.а.у.) өтірік айтуды үш жерден артық рұқсат бергенін естімедім деген:
– Бір адам екі жақты жарастыру мақсатымен айтса (яғни келіспей қалған екі тарапты);
– Бір адам соғыс кезінде (айла үшін) айтса;
– Күйеуі әйелімен сөйлескен кезде және әйелі күйеуімен тілдескен кезде». (Мүслім)
Ерлі-зайыптылар арадағы көркем қатынасты сақтау үшін өтірік айтса болады. Ал одан басқа ниет көзделсе, онда өтіріктің қай түрі болмасын – харам.
Өтірік айтуға рұқсат етілетін жағдайларға ұқсас орындар:
– Өлтірмекші болған залым адамнан мұсылман жасырынып қалса, жасыру мақсатында өтірік айту міндет болады.
– Бір адам мұсылманның мал-мүлкін қақысыз тартып алмақшы болса, жоқ екенін айтып құтылуға болады.
– Бір адам біреудің қандай күнә жасағанын сұраса, одан бас тарту керек. Өйткені, бір істің ашылуы екінші бір іске жол ашады. Ал, Алла Тағала біреудің айыбын жасырушыларды жақсы көреді.
– Бауырының абыройын қорлау үшін біреу сырын айтып беруді өтінсе, қайтару керек.
Islam.kz
Жіберіп алмаңыз:
Ғалымдар адамдардың өтірік айтуының себебін анықтады
Ислам діні адам сыртынан сөз айтуға рұқсат беретін 5 жағдай